इब्रानियो 10:39 - Halbi

³⁹ मान्तर आमी गुचतो बिता नुआवं कि नाश होऊन जाऊँ मान्तर बिश्वास करतो बिता आंव कि परानमन के बचाऊं।

परमेस्वर को सच्चो वचन ख जाननू

³⁹ पर हम वी इंसान हुन म से नी आय, जो पिच्छु हटन को वजे से नास हो जावा हैं, बल्कि हम वी इंसान हुन म से आय, जे अपनो भरोसा को दुवारा जिन्दगी ख पावा हैं।

इब्रानियो 10:39 ပူးပေါင်းရင်းမြစ်များ

मरकुस 16:16

जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

लूका 11:26

तेबे हुन जाऊन भाती आपलो ले खराप सात आउर आत्मामन के आपलो संगे धरून ऐऊ आय, आउर हुनमन हुन थाने बसुन भाती डेरा करू आत, आउर हुन माने चो पाटे चो हालत पयले ले बले खराप होऊन जाऊ आय।”

यूहन्ना 17:12

जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ।

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

1 थिस्सलुनीकियो 5:9

कसनबल्लोने माहापुरू आमके रीस चो काजे नाई, मान्तर ऐईकाजे ठेबालो से कि आमी आपलो परबु ईशु मसीह चो बाटले मुक्ति परापत करू।

2 थिस्सलुनीकियो 2:3

कोनी रीति ले काचीई धोका ने नी ईआ, कसनबल्लोने हुन दिन नी ऐये जिदलदाय ले धरम चो तियाग नी होये, आउर हुन अधरमी चो माने बल्ले बिनाश चो पिला परकट नी होओ।

1तीमुथियुस 6:9

मान्तर जोन धनी होऊक चाहाय सोत, हुनमन असन परीक्षा आउर फान्दामन आउर खुबे ची फकाहा आउर हानि करू लालचमन ने फसु आत, जोन मानेमन के नशान देऊ आय आउर बिनाश चो समुन्द ने बुड़ाऊन देऊ आय।

इब्रानियो 10:26

कसनबल्लोने सत चो पयचान परापत करलो पाचे अगर आमी जानुन बुजुन भाती पाप करते रवां, तेबे पापमन चो काजे फेर कोनी बलिदान बाकी निआय।

इब्रानियो 10:38

मान्तर मोचो धरमी झन बिश्वास ले जीव रये दे, आउर अगर हुन पाटे गुचुन जाय दे तेबे मोचो मन हुनचो ले-हरिक नी होये दे।”

इब्रानियो 11:1

अदायं बिश्वास आशा करलो बिती तीजमन चो तय, आउर नी दकलो बिती तीजमन चो सबुत आय।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।

1यूहन्ना 5:16

अगर कोनी आपलो भाई के असन पाप करतोर दको जेचो फल मरना नी होओ, तो गुहार करा, आउर माहापुरू हुनके हुनमन काजे, जोनमन असन पाप करला से जेचो फल मरना नी होओ, जीवना देये दे। पाप असन बले होऊ, आय जेचो फल मरना आय, ऐचो बारे ने मय गुहार करतो काजे नी बले।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।

प्रकाशितवाक्य 17:11

जोन पशु पयले रये, आउर अदायं निआय, हुन खुद आंटवा आय आउर हुन सातो झान थाने ले उपजास होली, आउर बिनाश ने पढ़े दे।

प्रकाशितवाक्य 17:8

जोन पशु तुय दकली सीस हुन पयले तो रये मान्तर अदायं निआय, आउर अन्दकुप खोदरा ले निकरून भाती बिनाश ने पढ़े दे; आउर धरतनी चो रतो बितामन जेचो नाव जगत चो उपजास चो समया ले जीवन चो किताब ने लिका नी गेली, ऐ पशु चो ऐ दसा दकुन भाती कि पयले रये आउर अदायं निआय आउर फेर ऐये दे, घबरादे।