इब्रानियो 10:36 - Halbi

³⁶ कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

परमेस्वर को सच्चो वचन ख जाननू

³⁶ तुम इंसान हुन ख धीरज धरनो जरुरी हैं, जेसे परमेस्वर कि इच्छा ख पुरी करन को बाद तुम ख उ मिल जाये जेको वादा परमेस्वर कर चुक्यो हैं।

इब्रानियो 10:36 ပူးပေါင်းရင်းမြစ်များ

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 12:50

कसनबल्लोने जोन कोनी मोचो सरग चो बुआ चो इच्छा थाने चले दे, हुनी मोचो भाई, आउर मोचो भईन, आउर मोचो आया आय।”

मत्ती 21:31

ऐ दुनो झान ने कोन बुआ चो इच्छा पुरा करलो?” हुनमन बल्ला, “पयला।” ईशु हुनमन ले बल्लो, “मय तुमचो ले सते बलें सें कि कर धरू बिता आउर बेश्यामन तुमचो ले पयले माहापुरू चो राज ने ओले सोत।

मत्ती 24:13

मान्तर जोन आखरी तक धीरज धरून रये दे, हुनचेई मुक्ति होये दे।

मत्ती 7:21

“जोन मोचो ले, ‘हे परबु! हे परबु!’ बले से, हुनमन ले हरकोनी सरग चो राज ने नी जादे, मान्तर हुनी जोन मोचो सरग चो बुआ चो इच्छा थाने चलेसे।

मरकुस 3:35

कसनबल्लोने जोन कोनी माहापुरू चो इच्छा थाने चले दे हुनी मोचो भाई, आउर भईन, आउर आया आय।”

लूका 21:19

आपलो धीरज ले तुमी आपलो जीवमन के बचाऊन संगाआ से।

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

प्रेरितो 13:22

फेर हुनके अलग करून दाऊद के हुनमन चो राजा बनालो; जेचो बारे ने हुन गोहई दिलो, मोके गोटक माने, यिशै चो बेटा दाऊद, मोचो मन चो अनुसार मिरून गेलो से; हुनी मोचो सपाय इच्छा पुरा करे दे।

प्रेरितो 13:36

कसनबल्लोने दाऊद तो माहापुरू चो इच्छा चो अनुसार आपलो समया ने सेवा करून सोऊन गेलो, आउर आपलो बुआ दादीमन ने जाऊन मिसलो, आउर कुऊन बले गेलो।

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

1 कुरिन्थियो 13:7

हुन सपाय गोठमन सहु आय, सपाय गोठमन चो बिश्वास करू आय, सपाय गोठमन चो आशा संगाऊ आय, सपाय गोठमन ने धीरज धरू आय।

गलातियो 6:9

आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

इफिसीयो 6:6

मानेमन के हरिक करतो बितामन चो असन दकातो काजे सेवा नी करा, मान्तर मसीह चो दासमन चो असन मन ले माहापुरू चो इच्छा थाने चला,

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

कुलुस्सियो 3:24

कसनबल्लोने तुमी जानेसास कि तुमके ऐचो पालटा परबु ले हक मिरे दे; तुमी परबु मसीह चो सेवा करू आस।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

इब्रानियो 11:39

बिश्वास ची चो दुवारा ऐ सपाय जो बारे ने अच्छा गोहई दिया गेली तेबले बले हुनमन के बायदा करलो बिती तीज नी मिरली।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

इब्रानियो 6:17

ऐईकाजे जिदलदाय माहापुरू चो बायदा चो हकदारमन उपरे आउर बले साफ रीति ले परकट करतोर चाह लो कि हुनचो उद्देश्य बदलुक नी सके, तेबे किरिया के मंजी ने आनलो।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

1 पतरस 1:9

आउर आपलो बिश्वास चो करलो फल आउर आत्मामन चो मुक्ति परापत करू आस।

1यूहन्ना 2:17

संवसार आउर हुनचो इच्छामन दुनो मेटते जाऊ आय, मान्तर जोन माहापुरू चो इच्छा थाने चलु आय हुन हरमेशा बनुन रये दे।

प्रकाशितवाक्य 13:10

जेके कयद ने पड़तोर आय हुन कयद ने पड़े दे; जोन तलवार ले मारे दे, जरूरी आय कि हुन तलवार ले मारा जाय दे। पवितर लोगमन चो धीरज आउर बिश्वास ऐई थाने आसे।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।