इब्रानियो 10:29 - Halbi

²⁹ तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

परमेस्वर को सच्चो वचन ख जाननू

²⁹ ते सोच ल कि वी कितना अर भी भारी सजा को लायक ठहरोगो, जे न परमेस्वर को पोरिया ख पाय से खुन्दियो अर वाचा को खून ख, जेको दुवारा उ सुध्द ठहरायो गयो रहा, असुध्द जान्यो हैं, अर दया कि आत्मा ख बेज्जती करियो हैं।

इब्रानियो 10:29 ပူးပေါင်းရင်းမြစ်များ

मत्ती 26:28

कसनबल्लोने ऐ बायदा चो मोचो हुन लऊ आय, जोन खुबेमन चो काजे पापमन चो छमा चो लागुन बहाया जाये से।

मत्ती 7:6

“पवितर तीज कुकूरमन के नी दिआस, आउर आपलो मोती बराहांमन चो पुरे नी पकाहा; असन नी होओ कि हुनमन हुनके पाँयमन खाले रोमदोत आउर पलटून भाती तुमके चिरून देयदे।”

मरकुस 7:2

आउर हुनमन हुनचो कितलो चेलामन के अशुद्ध बल्ले बिना हाथ धोहलोर रोटी खातोर दकला

लूका 12:10

“जोन कोनी माने चो बेटा चो बिरूद ने काई गोठ बोल दे, हुनचो हुन अपराध छमा करा जाये दे, मान्तर जोन पवितर आत्मा चो निन्दा करे दे, हुनचो अपराध छमा नी करा जाये।

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

प्रेरितो 7:51

“हे हठाआ, आउर मन आउर कान चो खतना नी करलो लोगमन, तुमी सदा पवितर आत्मा चो बिरूद करू आस। जसन तुमचो बुआ दादीमन करते रवत, असने ची तुमी बले करेसास।”

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

1 कुरिन्थियो 11:27

ऐईकाजे जोन कोनी गलत रीति ले परबु चो रोटी खाओ नाहले हुनचो बटका थानले पिओ, हुन परबु चो देंह आउर लऊ चो अपराधी ठेबे दे।

1 कुरिन्थियो 11:29

कसनबल्लोने जोन खातो-पीतो समया परबु चो देंह के नी चिताये, हुन ऐ खातो आउर पीतो ने आपलो उपरे डण्ड आनु आय।

1 कुरिन्थियो 15:25

कसनबल्लोने जिदलदाय ले हुन आपलो बयरीमन के आपलो पाँयमन चो खाले नी धरून ऐये, हुदलदाय ले हुनचो राज करतोर जरूरी आय।

1 कुरिन्थियो 15:27

कसनबल्लोने “माहापुरू सपाय काई हुनचो पाँयमन खाले करून दिलो से,” मान्तर जिदलदाय हुन बोलु आय कि सपाय काई हुनचो अधीन करा गेली से तेबे छुकछुका आय कि जोन सपाय काई हुनचो अधीन करून दिलो, हुन खुद अलग रलो।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 12:25

खबड़दार रहा, आउर हुन बोलतो बितामन ले मुंह नी मोड़ा, कसनबल्लोने हुन लोगमन जिदलदाय धरतनी थानो चो धमकी देतो बितामन ले मुंह मोडुन भाती नी बाचुक सकला, तेबे आमी सरग थानले धमकी देतो बिता ले मुंह मोडुन भाती कसन बाचुक सकवां?

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

इब्रानियो 2:11

कसनबल्लोने पवितर करतो बिता आउर जोन पवितर कराया जाऊ आत, सपाय गोटक ची मुर ले आत; ऐई लागुन हुन हुनमन के भाई बोलतोर ले नी लाज होये।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 6:4

कसनबल्लोने जोनमन गोटक हार उजर पावला से, आउर जोन सरग चो बर चो सुआद चाकुन चुकला से आउर पवितर आत्मा चो शामिल होऊन गेला से,

इब्रानियो 6:6

अगर हुनमन भटकुन जादे तो हुनमन के मन फिरातो काजे फेर नवा बनातोर नी होये; कसनबल्लोने हुनमन माहापुरू चो बेटा के आपलो काजे फेर कुरूस उपरे चेगाऊ आत आउर परकट ने हुनचो उपरे कलंक लगाऊ आत।

इब्रानियो 9:13

कसनबल्लोने जिदलदाय बोकड़ामन आउर बयलामन चो लऊ आउर बुछड़ा चो लाकड़ी चो अशुद्ध लोगमन उपरे बिता जातोर देंह चो शुद्धता चो काजे हुनमन के पवितर करू आय,

इब्रानियो 9:20

आउर बल्लो, “ऐ हुन बायदा चो लऊ आय, जेचो हुकुम माहापुरू तुमचो काजे दिलो से।”

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,