इब्रानियो 10:25 - Halbi

²⁵ आउर गोटक दुसर चो संगे रूंड़ा होऊक नी छांडु, जसन कि कितलोमन चो रीति आय मान्तर गोटक दुसर के समजाते रऊ; आउर जसन-जसन हुन दिन के लगे ऐतोर दका असने-असने आउर बले खुबे ऐ करते रहा।

परमेस्वर को सच्चो वचन ख जाननू

²⁵ हम अपनी सभा हुन म मिलनो-जुड़नो नी छोड़नो चाहिए, जसो कि कुछ इंसान हुन करा हैं, बल्कि हम एक दुसरा ख धीरज दे। जब तुम उ दिन का जोने आते देख रया हैं, ते असो करनो अऊर भी जरूरी हो जाय हैं।

इब्रानियो 10:25 ပူးပေါင်းရင်းမြစ်များ

मत्ती 10:15

मय तुमचो ले सते बलेंसें कि नियाय चो दिने हुन नंगर चो हाल ले सदोम आउर अमोरा चो देश चो हाल खुबे कटलातो लायक होयदे।”

मत्ती 18:20

कसनबल्लोने जोन थाने दुय नाहले तीन मोचो नाव ने रूंड़ा होऊ आत, हुता मय हुनमन चो मंजी ने होऊ आय।”

यूहन्ना 12:48

जोन मोके तुच्छ जानु आय आउर मोचो गोठमन गरहन नी करे से हुनके दोषी ठेबातो बिता तो गोटक आसे: बल्लोने जोन बचन मय बल्ले से, हुनी पाचे चो दिन ने हुनके दोषी ठेबायदे।

प्रेरितो 16:16

जिदलदाय आमी पारथना करतोर जगा जाते रलु, तेबे आमके गोटक दासी भेट होली जेचो ने अगम गोठ बलतो बिती आत्मा रली; आउर अगम गोठ बल्लो ले आपलो मालिकमन चो काजे खुबे काई कमाऊन आनते रली।

प्रेरितो 2:1

जिदलदाय पेन्तीकुस चो दिन ईली, तेबे हुनमन सपाय गोटक जगा रूंड़ा रवत।

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

प्रेरितो 20:7

सपता चो पयला दिने जिदलदाय आमी रोटी टुटातोर काजे रूंड़ा होलु, तेबे पौलुस जोन दुसर दिने जाते जातो बिता रलो, हुनमन चो ले गोठयालो; आउर अधघर राती ले गोठयाते रलो।

रोमियो 12:8

जोन उपदेशक होओ, हुन उपदेश देतो ने लगु रओ; दान देतो बिता उदारता ले देओ; जोन अगुवाई करो, हुन उदुम ले करो; जोन दया करो, हुन हरिक ले करो।

1 कुरिन्थियो 11:20

आउर तुमी जोन गोटक जगा ने रूंड़ा होऊ आस तो ऐ परबु भोज खातो काजे नुआय,

1 कुरिन्थियो 14:23

आउर अगर कलीसिया गोटक जगा रूंड़ा होओ, आउर सपाय चो सपाय दुसर भाषामन बलोत, आउर बाहार बितामन नाहले अबिश्वासी लोग भीतरे ऐ ओत तेबे काय हुनमन तुमके बया नी बोल दे?

1 कुरिन्थियो 14:3

मान्तर जोन अगम गोठ करू आय, हुन मानेमन ले उन्नती आउर उपदेश आउर शान्ति चो गोठमन बोलु आय।

1 कुरिन्थियो 3:13

तेबे हरकोनी चो काम परकट होऊन जाय दे; कसनबल्लोने हुन दिन हुनके सांगे दे, ऐईकाजे कि आईग चो संगे परकट होये दे आउर हुन आईग हरकोनी चो काम जाचे दे कि कसन आय।

1 कुरिन्थियो 5:4

कि जिदलदाय तुमी आउर मोचो आत्मा, आमचो परबु ईशु चो सामरत चो संगे रूंड़ा आसास, तेबे असन माने आमचो परबु ईशु चो नाव ले

फिलिप्पियो 4:5

तुमचो कोमलता सपाय मानेमन उपरे परकट होओ। परबु लगे आसे।

1 थिस्सलुनीकियो 4:18

ऐई परकार ऐ गोठमन ले गोटक दुसर के शान्ति दिया करा।

1 थिस्सलुनीकियो 5:11

ऐई कारन गोटक दुसर के शान्ति दिआस आउर गोटक दुसर चो उन्नती चो कारन बना, जसन कि तुमी करू बले आहास।

इब्रानियो 10:24

आउर मया, आउर अच्छा काममन ने हुच हुचातो काजे आमी गोटक दुसर चो चिन्ता करा करूं,

इब्रानियो 10:37

“कसनबल्लोने अदायं खुबे ची खिन्डिक समया बाचुन गेली से, जसन कि ऐतो बिता ऐये दे आउर बेर नी करे दे।

इब्रानियो 13:22

हे भाईमन, मय तुमचो ले बिनती करेंसे कि ऐ उपदेश चो गोठमन के साहा, कसनबल्लोने मय तुमके खुबे नगत ले लिकले से।

इब्रानियो 3:13

मान्तर जोन दिन ले आजी चो दिन बल्ला जाऊ आय, हरदिन गोटक दुसर के समजाते राहा, असन नी होओ कि तुमनमन ले कोनी जन पाप चो छंद ने ऐऊन भाती कठोर होऊन जाओत।

याकूब 5:8

तुमी बले धीरज धरा; आउर आपलो मन के बरसक करा, कसनबल्लोने परबु चो ऐतो बेरा लगे आसे।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

2 पतरस 3:11

जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

2 पतरस 3:9

परबु आपलो बायदा चो बारे ने बेर नी करे, जसन बेर कितलो लोग समजु आत; मान्तर तुमचो बारे ने धीरज धरू आय, आउर नी चाहाय कि कोनी नष्ट होओ मान्तर ऐ आय कि सपाय के मन फिरातोर मवका मिरो।

यहूदा 1:19

ऐ हुनमन आत जोन लड़ा-जुजा करू आत; ऐमन शारीरिक लोग आत, जोनमन ने आत्मा निआय।