इब्रानियो 10:10 - Halbi

¹⁰ हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

परमेस्वर को सच्चो वचन ख जाननू

¹⁰ सो परमेस्वर की इच्छा से एक बार ही हमेसा हमेसा को लाने यीसु मसी को सरीर को बलि दान को दुवारा हम सुध्द कर दियो गयो।

इब्रानियो 10:10 ပူးပေါင်းရင်းမြစ်များ

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

यूहन्ना 19:34

मान्तर पलटनमन थानले गोटक बरछा ले हुनचो पांजरा के छेदलो, आउर हुन थानले तुरते लऊ आउर पानी निकरली।

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 10:14

कसनबल्लोने हुन गोटक ची चेगावा चो लागुन हुनमन के जोन पवितर करा जाऊ आत, हरमेशा चो काजे सिद्ध करून दिलो से।

इब्रानियो 10:20

जोन हुन परदा बल्लोने आपलो देंह थानले होऊन भाती, आमचो काजे अभिषेक करलो से,

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

इब्रानियो 10:5

ऐई लागुन मसीह जगत ने ऐतो समया बले से, “बलिदान आउर भेट तुय नी चाह लीस, मान्तर मोचो काजे गोटक देंह तिआर करलीस।

इब्रानियो 13:12

ऐई लागुन, ईशु बले लोगमन के आपलो ची लऊ चो दुवारा पवितर करतो काजे कपाट चो बहारे दुख उठालो।

इब्रानियो 2:11

कसनबल्लोने पवितर करतो बिता आउर जोन पवितर कराया जाऊ आत, सपाय गोटक ची मुर ले आत; ऐई लागुन हुन हुनमन के भाई बोलतोर ले नी लाज होये।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

इब्रानियो 5:7

ईशु आपलो देंह ने रतोर दिनमन ने बड़े जोर ले हाग देऊन हाग देऊन भाती आउर आँसु बहान-बहान भाती हुनचो ले जोन हुनके मरना ले बचाऊक सकते रये, पारथनामन आउर गुहार करलो, आउर भक्ति चो लागुन हुनचो सुना गेली।

इब्रानियो 7:27

हुन माहायाजक मन चो असन हुनके जरूरी नुआय कि रोजे दिना पयले आपलो पापमन आउर फेर लोगमन चो पापमन चो काजे बलिदान चेगा ओ; कसनबल्लोने हुन आपन खुद के बलिदान चेगाऊन भाती हुनके गोटक ची हार ने पुरा करून दिलो।

इब्रानियो 9:12

आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1यूहन्ना 5:6

ऐई आय हुन जोन पानी आउर लऊ चो दुवारा ऐऊ रलो, बल्लोने ईशु मसीह हुन ना मात्र पानी चो दुवारा मान्तर पानी आउर लऊ दुनो चो दुवारा ऐऊ रलो। आउर ये आत्मा आय जोन गोहई देये से, कसनबल्लोने आत्मा सत आय।