इब्रानियो 1:6 - Halbi

⁶ आउर जिदलदाय पयलवात के जगत ने फेर आने से, तेबे बले से, “माहापुरू चो सपाय सरगदूत हुनके पाँय पड़ोत।”

परमेस्वर को सच्चो वचन ख जाननू

⁶ अर जब सबसे पहले पोरिया की दुनिया म फिर लावा हैं ते कवह हैं, “परमेस्वर को पुरो स्वर्गदूत हुन ओ ख दण्डवत करहे।”

इब्रानियो 1:6 ပူးပေါင်းရင်းမြစ်များ

मत्ती 24:14

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

रोमियो 8:29

कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

कुलुस्सियो 1:15

बेटा तो नी दका देतो माहापुरू चो सवरूप आउर पुईतराय बरमाण्ड ने पयलवात आय।

कुलुस्सियो 1:18

हुनी देंह, बल्लोने कलीसिया चो मुण्ड आय; हुनी मुर आय, आउर मरलो बितामन थानले जीव उठातो बितामन ने पयलवात चो सपाय गोठमन ने हुनी परधान ठेबो।

इब्रानियो 1:5

कसनबल्लोने सरग दूतमन ले हुन केबे कोचीई ले बल्लो, “तुय मोचो बेटा आस, आजी तुय मोचो ले उपजास होली सीस?” आउर फेर ऐ, “मय हुनचो बुआ होयेंदें, आउर हुन मोचो बेटा होयदे?”

इब्रानियो 10:5

ऐई लागुन मसीह जगत ने ऐतो समया बले से, “बलिदान आउर भेट तुय नी चाह लीस, मान्तर मोचो काजे गोटक देंह तिआर करलीस।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

1यूहन्ना 4:9

जोन मया माहापुरू आमचो ले संगाऊ आय, हुन ऐचो ले परकट होली कि माहापुरू आपलो एकला बेटा के जगत ने पठालो से कि आमी हुनचो दुवारा जीवना पाऊँ।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,