इब्रानियो 1:14 - Halbi

¹⁴ काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

परमेस्वर को सच्चो वचन ख जाननू

¹⁴ का वी सब सेवा टहल करन वाली आत्मा नी, जो उध्दार पावन वाला को लाने सेवा करन ख भेजी जावह हैं।

इब्रानियो 1:14 ပူးပေါင်းရင်းမြစ်များ

मत्ती 1:20

जिदलदाय यूसुफ ऐ गोठमन चो बिचार ने ची रलो तेबे माहापुरू चो सरगदूत हुनके सपना ने दका देउन भाती बोलुक मुरयालो, “हे यूसुफ! दाऊद पुरखा चो पिला, तुय आपलो बायले मरियम के आपलो घरे आनतो काजे नी डर, कसनबल्लोने जोन हुनचो गरब ने आसे, हुन पवितर आत्मा चो बाटले आय।

मत्ती 13:41

माने चो बेटा आपलो सरग दूतमन के पटाये दे, आउर हुनमन हुनचो राजमन थानले सपाय ठोकरना चो कारनमन के आउर कुकरम काम करतो बितामन के रूंड़ा करदे,

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 2:13

हुनमन चो गेलोर पाचे, माहापुरू चो गोटक दूत सपना ने यूसुफ के दका देऊन भाती बल्लो, “उठ! हुन पिला के आउर हुनचो आया के धरून भाती मिस्र देश ने पराव; आउर जिदलदाय ले मय तुके नी बले, हुदलदाय ले हुताय रा; कसनबल्लोने राजा हेरोदेस ऐ पिला के डगरातो थाने आसे कि ऐके मराऊन देओ।”

मत्ती 24:31

हुन तुरी चो बड़े शब्द चो संगे आपलो दूतमन के पटाये दे, आउर हुनमन बादरी चो ऐ पाट ले हुनपाट तक, भोंवरक ले हुनचो चुनलो बितामन के रून्डाये दे।”

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 4:11

तेबे शयतान हुनचो लगले जाते गेलो, आउर सरगदूत ऐऊन भाती हुनचो सेवा करूक मुरयाला।

मरकुस 10:17

जिदलदाय हुन हुता ले निकरून भाती बाट ने जाते रलो, तेबे गोटक माने हुनचो लगे पराते-पराते ईलो, आउर हुनचो पुरे मांडी टेकुन भाती हुनचो ले पचारलो, “हे बड़ीया गुरू, अमर जीवना चो हकदार होतो काजे मय काय करेंदे?”

लूका 1:19

सरगदूत हुनके जबाप दिलो, “मय गब्रिएल आंय, जोन माहापुरू चो पुरे उबा रऊ आंय; आउर मय तुचो ले गोठयाऊक आउर तुके ऐ नगतखबर सुनातो काजे पटाया गेले से।

लूका 1:23

जिदलदाय हुनचो सेवा चो दिन पुरा होली, तेबे हुन आपलो घरे जाते गेलो।

लूका 16:22

असन होली कि हुन कंगाल मरून गेलो, आउर सरग दूतमन हुनके धरून भाती अब्राहाम चो खोरा ने पोंहचाला। हुन सवकार बले मरलो आउर माटी दिया गेलो,

लूका 2:13

तेबे हटातरे हुन सरगदूत संगे सरग दूतमन चो दल माहापुरू चो स्तुति करते-करते आउर ऐ बोलते दका दीला,

लूका 2:9

आउर परबु चो गोटक दूत हुनमन चो लगे ऐऊन उबा होलो, आउर परबु चो तेज हुनमन चो चारो बाटे चमकली आउर हुनमन खुबे डरला।

प्रेरितो 11:22

जिदलदाय हुनमन चो चरचा यरूशलेम चो कलीसिया चो सुनतोर ने ईली, तेबे हुनमन बरनबास के अन्ताकिया पठाला।

प्रेरितो 12:23

हुदलीदाय परबु चो गोटक सरगदूत तुरते हुनके बेमार करलो, कसनबल्लोने हुन माहापुरू के महिमा नी दिलो; आउर हुन कीड़ा पडुन मरून गेलो।

प्रेरितो 12:7

तेबे दका, परबु चो गोटक सरगदूत ऐऊन उबा होलो आउर हुन बाकरा ने उजर बरली, आउर हुन पतरस चो पंजरा ने हाथ मारून हुनके चेतालो आउर बल्लो, “उठ, झटके कर।” आउर हुनचो हाथमन ले सिकरा हिटुन भाती घसरुन पढ़ली।

प्रेरितो 13:2

जिदलदाय हुनमन उपास संगे परबु चो उपास करते रवत, तेबे पवितर आत्मा बल्लो, “मोचो काजे बरनबास आउर शाऊल के हुन काम चो काजे अलग करा जेचो काजे मय हुनमन के हाग दिले से।”

प्रेरितो 16:26

ईतलो ने उटपटांग बड़े भुईं डोल ईली, ऐथा ले कि जयलघर चो पाया हलुन गेली, आउर तुरते सपाय बाट उगाढ़ी होली; आउर सपाय चो बान्दन हिटुन गेली।

प्रेरितो 27:23

कसनबल्लोने माहापुरू जेचो मय आंय, आउर जेचो सेवा करू आंय, हुनचो सरग दूतमन आजी राती मोचो लगे ऐऊन भाती बल्ला,

प्रेरितो 5:19

मान्तर राती बेरा परबु चो गोटक सरगदूत जयलघर चो बाट उगाढुन भाती हुनमन के बाहरे आनुन भाती बल्लो,

रोमियो 11:14

कि कोनी रीति ले मय आपलो कुटुममन ने जलन पयदा कराऊन भाती हुनमन थानले कितलो झन चो मुक्ति करायेंदे।

रोमियो 13:6

ऐईकाजे कर बले दिआस कसनबल्लोने शासन करू बिता माहापुरू चो सेवक आत आउर हरमेशा ऐई काम ने लगुन रऊ आत।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 15:27

हुनमन के अच्छा तो लागली, मान्तर हुनमन-हुनमन चो करजदार बले आत, कसनबल्लोने अगर दुसर जाति हुनमन चो आत्मिक गोठमन ने शामिल होला, तेबे हुनमन के बले जरूरी आय कि देंह चो गोठमन ने हुनमन चो सेवा करोत।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

2 कुरिन्थियो 9:12

कसनबल्लोने ऐ सेवा चो पुरा करलो ने ना मात्र पवितर लोगमन चो जरूरतमन पुरा होऊ आय, मान्तर लोगमन चो बाटले माहापुरू चो बले खुबे धन्यबाद होऊ आय।

गलातियो 3:29

आउर अगर तुमी मसीह चो आहास तो अब्राहाम चो बंश आउर बायदा चो अनुसार हकदार बले आहास।

गलातियो 3:7

आउर ऐ जाना कि जोन बिश्वास करतो बितामन आत, हुनमन ची अब्राहाम चो पिला आत।

गलातियो 3:9

ऐईकाजे जोन बिश्वास करतो बितामन आत, हुनमन बिश्वासी अब्राहाम चो संगे आशीष पाऊ आत।

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

फिलिप्पियो 2:25

मान्तर मय इपफ्रुदीतुस के जोन मोचो भाई आउर सकरमी आउर संगे लडु आउर तुमचो दूत, आउर जरूरी गोठमन ने मोचो सेवा शासन करतो बिता आय, तुमचो लगे पटातोर जरूरी समज ले।

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

तीतुस 3:7

जेचो ले आमी हुनचो अनुग्रह ले धरमी ठेबुन भाती, अमर जीवना चो आशा चो अनुसार हकदार बनु।

इब्रानियो 10:11

हरकोनी याजक तो उबा होऊन भाती रोजे दिना सेवा करू आय, आउर गोटक ची परकार चो बलिदान के जोन पापमन के केबीई बले लापी नी करूक सके, घन-घन चेगाऊ आय।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:17

ऐईकाजे जिदलदाय माहापुरू चो बायदा चो हकदारमन उपरे आउर बले साफ रीति ले परकट करतोर चाह लो कि हुनचो उद्देश्य बदलुक नी सके, तेबे किरिया के मंजी ने आनलो।

इब्रानियो 8:6

मान्तर हुन याजकमन ले बडुन भाती सेवा ईशु मसीह के मिरली कसनबल्लोने हुन आउर बले बड़ीया बायदा चो मंजी चो ठेबलो, जोन आउर बड़ीया बायदामन चो साहारा बान्दा गेली से।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।

1 पतरस 1:4

आउर गोटक अमर, आउर निंगल, आउर नी सरतो धन काजे जोन तुमचो काजे सरग ने संगालोर आसे;

1 पतरस 3:7

असने ची हे मनुकमन, तुमी बले अकल ले बायलेमन चो संगे जीवना गुजारा करा, आउर बायले लेकी के कमजोर तीज जानुन भाती हुनचो ईजीत करा, ऐ समजुन भाती कि आमी दुनो जीवना चो बर चो हकदार आंव, जेचो ले तुमचो पारथनामन ठेबुन नी जाओ।

यहूदा 1:14

हनोक बले जोन आदम ले सातवां पीढ़ी ने रये, ऐमन चो बारे ने ऐ अगम गोठ करलो, दका, परबु आपलो लाखो पवितरमन चो संगे ईलो

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।