गलातियो 6:9 - Halbi

⁹ आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

परमेस्वर को सच्चो वचन ख जाननू

⁹ हम भलाई करनो म हिम्मत नी छोडन का काहेकि हम ढीला नी होन का ते अच्छी बखत म कटनी काटेगो।

गलातियो 6:9 ပူးပေါင်းရင်းမြစ်များ

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 24:13

मान्तर जोन आखरी तक धीरज धरून रये दे, हुनचेई मुक्ति होये दे।

मत्ती 25:17

ऐई रीति ले जेके दुय मिरू रये, हुन बले दुय आउर कमालो।

मत्ती 9:19

ईशु उठून भाती आपलो चेलामन संगे हुनचो पाट-पाट गेलो।

मरकुस 3:3

हुन सुकलो हाथ बिता माने ले बल्लो, “मंजी ने उबा हो।”

लूका 18:1

फेर हुन ऐचो बारे ने कि सदा पारथना करतोर आउर हिम्मत नी छांडतोर आसे, हुनमन ले ऐ कहनी बल्लो:

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

2 कुरिन्थियो 9:6

मान्तर गोठ ऐ आय, जोन खिन्डिक बुनु आय, हुन खिन्डिक काटे दे बले; आउर जोन खुबे बुनु आय, हुन खुबे काटे दे।

इफिसीयो 3:13

ऐईकाजे मय बिनती करें से कि जोन कलेश तुमचो काजे मोके होये से, हुनचो लागुन साहास नी छांडा, कसनबल्लोने हुनमन ने तुमचो महिमा आसे।

2 थिस्सलुनीकियो 3:13

तुमी, हे भाईमन, भलाई करतो ने हिम्मत नी छांडा।

इब्रानियो 12:3

ऐईकाजे हुनचो उपरे धिआन करा, जोन आपलो बिरूद ने पापीमन चो ईतलो गोठ-बात सहलो कि तुमी मुरमुरा होऊन भाती साहास नी छांडुन दिआस।

इब्रानियो 12:5

आउर तुमी हुन उपदेश के, जोन तुमके बेटामन चो असन दिया जाये से, भुलकुन गेलासास “हे मोचो बेटा, परबु चो ताड़ना के उसास गोठ नी जान, आउर जिदलदाय हुन तुके धमकाय दे तेबे साहास नी छांड़।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

याकूब 5:7

ऐईकाजे हे भाईमन, परबु चो ऐओत ले धीरज धरा। दका, किसान धरतनी चो बड़े मोल फसल चो आशा संगाते-संगाते मुयला आउर आखरी बरसा होओत ले धीरज धरू आय।

1 पतरस 2:15

कसनबल्लोने माहापुरू चो इच्छा ऐ आय कि तुमी अच्छा काम करतोर दुवारा निरबुद्धि लोगमन चो अगिआनता चो गोठमन के ढ़ाकुन दिआस।

1 पतरस 3:17

कसनबल्लोने अगर माहापुरू चो ऐई इच्छा होओ कि तुमी भलाई करलोर लागुन दुख उठाआ, तेबे ऐ खराबी करलोर लागुन दुख उठालो ले बड़ीया आय।

1 पतरस 4:19

ऐईकाजे जोन माहापुरू चो इच्छा चो अनुसार दुख उठाऊ आत, हुनमन भलाई करते-करते आपलो-आपलो जीव के बिश्वास लायक बनातो बिता चो हाथ ने सोपुन दे ओत।

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”

प्रकाशितवाक्य 2:3

“तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”