गलातियो 6:3 - Halbi

³ कसनबल्लोने अगर कोनी काई नी होलो थाने बले आपन खुद के काई समजु आय, तो आपन खुद के धोका देऊ आय।

परमेस्वर को सच्चो वचन ख जाननू

³ काहेकि अदि कोई कुछ नी होनो पर भी अपनो तुम ख कुछ समझा हैं, ते अपनो तुम ख धोका देवा हैं।

गलातियो 6:3 ပူးပေါင်းရင်းမြစ်များ

लूका 18:11

फरीसी उबा होऊन भाती आपलो मन ने असन पारथना करूक मुरयालो, ‘हे माहापुरू, मय तुचो धन्यबाद करें से कि मय दुसर माने चो असन गलत करतो बिता, ओनियायी आउर बेबीचारी नुआय, आउर ना ऐ कर धरू बितामन चो असन आय।

प्रेरितो 5:36

कसनबल्लोने ऐ दिनमन ले पयले थिऊदास ऐ बोलते-बोलते उठलो, कि मय बले काई आंय; आउर कोनी चार सव माने हुनचो संगे होला, मान्तर हुन मारा गेलो आउर जितरो लोग हुनके मानते रवत, सपाय जत-खत होला आउर मेटून गेला।

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 12:3

कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

1 कुरिन्थियो 3:18

कोनी आपन खुद के धोका नी दिआस। अगर तुमचो थानले कोनी ऐ संवसार ने आपन खुद के गिआनी समजो, तो मुरूक बनो कि गिआनी होऊन जाओ।

1 कुरिन्थियो 8:2

अगर कोनी समजो कि मय काई जाने, जसन जानतोर आय असने ऐबले नी जाने।

2 कुरिन्थियो 12:11

मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

2 कुरिन्थियो 3:5

ऐ नाई कि आमी आपन खुद ले ऐ लायक आंव कि आपलो बाटले कोनी गोठ चो बिचार करूक सकवां, मान्तर आमचो लायकता माहापुरू चो बाटले आय,

गलातियो 2:6

फेर जोन लोग काई समजते जाते रवत (हुनमन भले कसने बले रवत मोके ऐचो ले काई काम निआय; माहापुरू काचीई भेदभाव नी करे) हुनमन ले जोन काई समजा जाते रये, मोके काई बले नी परापत होली।

गलातियो 2:9

आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

2 तीमुथियुस 3:13

मान्तर दुष्ट आउर गोठ ने फासतो बितामन धोका देते आउर धोका खाते नशते जादे।

याकूब 1:22

मान्तर बचन थाने चलतो बिता बना, आउर मात्र सुनतो बिता ची नाई जोन आपन खुद के धोका देऊ आत।

याकूब 1:26

अगर कोनी आपन खुद के भगत समजो आउर आपलो जीब के आपलो अधीन ने नी करे मान्तर आपलो मन के धोका देओ, तो हुनचो भक्ति फकाहा आय।

1यूहन्ना 1:8

मान्तर आमी बोलुन्दे कि आमचो थाने काई बले पाप निआय, तेबे आपन खुद के धोका देऊ से, आउर आमचो ने सत निआय।