गलातियो 6:2 - Halbi

² तुमी गोटक दुसर चो बोजा उठाआ, आउर ऐ परकार मसीह चो नियम के पुरा करा।

परमेस्वर को सच्चो वचन ख जाननू

² तुम एक दुसरा को भार उठानो अर असो तरीका से मसी को नेम ख पुरो करो,

गलातियो 6:2 ပူးပေါင်းရင်းမြစ်များ

मत्ती 8:17

बल्ले जोन बचन यशाया अगम गिआनी चो बाटले बोला जाऊ रये हुन पुरा होओ: “हुन खुद आमचो दुर्बलतामन के धरलो आउर आमचो बेमारमन के उठालो।”

लूका 11:46

हुन बल्लो; “हे नियमकारीमन, तुमचो उपरे बले हाय! तुमी असन बोजा जेके उठातोर मशकिल आय, मानेमन उपरे लतुआस मान्तर तुमी खुद हुन बोजामन के आपलो गोटक अंडकी ले बले नी छिंआस।

यूहन्ना 13:34

मय तुमके गोटक नवा हुकुम देंयें से कि गोटक दुसर ले मया संगाहा; जसन मय तुमचो ले मया संगाले से, असने ची तुमी बले गोटक दुसर ले मया संगाहा।

यूहन्ना 15:12

“मोचो हुकुम ऐ आय, कि जसन मय तुमचो ले मया संगाले, असने ची तुमी बले गोटक दुसर ले मया संगाहा।”

रोमियो 15:1

आउर आमी बलबीतामन के जरूरी आय कि कमजोरमन चो कमजोरीमन के सहु, ना कि आपन खुद के हरिक करू।

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 9:21

नियम नी मानतो लोगमन चो काजे मय-जोन माहापुरू चो नियम ले लापी नाई मान्तर मसीह चो नियम ले अधीन आंसे नियम नी मानतो लोग चो असन बनले कि नियम नी मानतो लोग चो मन के झिकुन आने।

गलातियो 6:5

कसनबल्लोने हरकोनी माने आपनी ची बोज उठाये दे।

1 थिस्सलुनीकियो 5:14

हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

याकूब 1:25

मान्तर जोन माने छुटछाड़ा चो सिद्ध नियम थाने धिआन करते रऊ आय, हुन आपलो काम ने ऐईकाजे आशीष पायेदे कि सुनुन भाती भुलकु नुआय मान्तर असने ची काम करू आय।

याकूब 2:12

तुमी हुन लोगमन चो असन बचन बोला आउर काम बले करा, जेचो नियाय छुटछाड़ा चो नियम चो अनुसार होयेदे।

याकूब 2:8

तेबे बले अगर तुमी पवितर शास्त्र चो ऐ बचन चो अनुसार कि “तुय आपलो पड़ोसी ले आपलो समान मया संगाव,” सत-सत हुन राज नियम के पुरा करू आस, तो अच्छा ची करू आस।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

2 पतरस 2:21

कसनबल्लोने धरम चो बाट के नी जानतोर ची हुनमन काजे ऐचो ले अच्छा होती कि हुनके जानुन भाती, हुन पवितर हुकुम ले फिरून जाता जोन हुनमन के सोपा जाऊ रली।

2 पतरस 3:2

कि तुमी हुन गोठमन के जोन पवितर अगम गिआनीमन पयले बल्ला सोत, आउर परबु आउर मुक्तिकरू चो हुन हुकुम के सुरता करा जोन तुमचो पठालोबितामन चो दुवारा दिया जाऊ रली।

1यूहन्ना 4:21

हुनचो ले आमके ऐ हुकुम मिरली से, कि जोन कोनी माहापुरू ले मया संगाऊ आय हुन आपलो भाई ले बले मया संगा ओ।