गलातियो 6:14 - Halbi

¹⁴ मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

परमेस्वर को सच्चो वचन ख जाननू

¹⁴ पर असो नी होय की मी कोई अऊर बात को घमण्ड करूँ, सिर्फ हमारो प्रभु यीसु मसी की सूली को, जेको व्दारा दुनिया मोरी नजर म अर मी दुनिया की नजर म सूली पर चढ़ायो गयो हैं।

गलातियो 6:14 ပူးပေါင်းရင်းမြစ်များ

लूका 20:16

हुन ऐऊन भाती हुन किसानमन के नाश करे दे, आउर अंगुर चो बनवाड़ी दुसर के सोपे दे।” ऐ सुनुन भाती हुनमन बल्ला “माहापुरू करो असन नी होओ।”

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 6:2

केबीई नाई! आमी जिदलदाय पाप चो काजे मरून गेलु तेबे फेर पयले ले हुन थाने कसन जीवना बितावां?

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

1 कुरिन्थियो 1:23

मान्तर आमी तो हुन कुरूस थाने चेगलो बिता मसीह चो परचार करू आंव, जोन यहूदीमन चो काजे ठोकरना चो कारन आउर दुसर जातिमन चो काजे मुरूकता आय;

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

1 कुरिन्थियो 2:2

कसनबल्लोने मय ऐ ठानुन रये कि तुमचो मंजी ईशु मसीह मान्तर कुरूस थाने चेगालोर मसीह के छांडुन आउर कोनी गोठ के नी जाने।

1 कुरिन्थियो 3:21

ऐईकाजे मानेमन थाने कोनी घमण्ड नी करोत, कसनबल्लोने सपाय काई तुमचो आय।

2 कुरिन्थियो 11:12

मान्तर जोन मय करू आंय, हुनी करते रयें दे कि जोन लोग दाँव डगराऊ आत हुनमन के मय दाँव पाऊक नी देयें, बल्ले जोन गोठ ने हुनमन घमण्ड करू आत, हुन थाने हुनमन आमचो ची असन ठेबोत।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

गलातियो 2:17

आमी जोन मसीह ने धरमी ठेबतोर चाहाऊं से, अगर खुद ची पापी निकरूं दे तेबे काय मसीह पाप चो सेवक आय? केबीई नाई!

गलातियो 2:19

मय तो नियम चो बाटले नियम चो काजे मरून गेले कि माहापुरू चो काजे जीयें।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 3:21

तेबे काय नियम माहापुरू चो बायदामन चो बिरूद ने आसे? केबीई नाई! कसनबल्लोने अगर असन नियम दिया जाति जोन जीव देऊक सकती, तेबे सत-सत धारमिकता नियम ले होती।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

फिलिप्पियो 3:18

कसनबल्लोने खुबे ची असने चाल-चलु आत, जेचो गोठ बात मय तुमचो ले घन-घन करले से, आउर ऐबे बले गागुन-गागुन भाती बलेंसें कि हुनमन आपलो चाल चलन ले मसीह चो कुरूस चो बयरी आत।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

कुलुस्सियो 2:20

“जिदलदाय तुमी मसीह चो संगे जगत चो मुर सिक्या चो बाटले मरून गेलासास, तेबे फेर केंव हुनमन चो असन जोन संवसार चो आत जीवना बितायसास? तुमी असन बिदीमन चो बश ने केंव रयेसास