गलातियो 6:10 - Halbi

¹⁰ ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

परमेस्वर को सच्चो वचन ख जाननू

¹⁰ एकोलाने जहाँ तक मोखा मिले हम सब को संग म अच्छी तरीका से भलाई करे, खास कर ख भरोसा करन वाला भई हुन को संग।

गलातियो 6:10 ပူးပေါင်းရင်းမြစ်များ

मत्ती 10:25

चेला के गुरू चो, आउर दास के मालिक चो बराबर होतोर ची खुबे आय। जिदलदाय हुनमन घर चो मालिक के शयतान बल्ला तेबे हुनचो घर बितामन के केंव नी बलदे।”

मत्ती 12:50

कसनबल्लोने जोन कोनी मोचो सरग चो बुआ चो इच्छा थाने चले दे, हुनी मोचो भाई, आउर मोचो भईन, आउर मोचो आया आय।”

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मत्ती 5:43

“तुमी सुनुन चुकलासास कि मूसा चो नियम ने बोला जाऊन रली, ‘आपलो अड़स-पड़स चो लोग ले मया संगावा, आउर आपलो बयरी ले बईर।’”

मरकुस 3:4

आउर हुनमन ले बल्लो, “काय सब्त चो दिने अच्छा करतोर ठीक आय नाहले खराप करतोर, जीव के बचातोर नाहले मारतोर?” मान्तर हुनमन ओगाय रला।

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

यूहन्ना 12:35

ईशु हुनमन ले बल्लो, “उजर अदायं खिन्डिक समया काजे तुमचो मंजी ने आसे। जिदलदाय ले उजर तुमचो संगे आसे हुलदाय ले चलाए चला, असन नी होओ कि अंधार तुमके ऐऊन घेरो; जोन अंधार ने हिन्डु आय हुन नी जाने कि कोन बाटे जाये से।

यूहन्ना 9:4

जोन मोके पठालो से, आमके हुनचो काम दिन ची दिन ने करतोर जरूरी आय; हुन रात ऐतो बिती आय जोन थाने कोनी काम नी करूक सकोत।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

2 कुरिन्थियो 2:8

ऐ कारन मय तुमके बिनती करें से कि हुनके आपलो मया चो सबुत दिआस।

गलातियो 1:23

मान्तर ऐई सुना करते रवत कि जोन आमके पयले कन्दराते रये, हुन अदायं हुनी बिश्वास चो नगतखबर सुनाऊ आय जोन के पयले नष्ट करते रये।

इफिसीयो 2:19

ऐईकाजे तुमी अदायं परदेशीया आउर मुसाफिर नी रलास, मान्तर पवितर लोगमन चो संगवारी परदेशीया आउर माहापुरू चो घरलोगमन चो होऊन गेला।

इफिसीयो 3:15

जेचो ले सरग आउर धरतनी उपरे, हरकोनी घरलोगमन चो नाव संगाय जाऊ आय,

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

इफिसीयो 5:16

मवका के किमती समजा, कसनबल्लोने दिन खराप आय।

फिलिप्पियो 4:10

मय परबु ने खुबे हरिक आसे कि अदायं इतलो दिनमन चो पाचे तुमचो चिन्ता मचो बारे ने फेर जागरत होली से; पक्का तुमके मुर ने बले ऐचो कारन बिचार रली, मान्तर तुमके मवका नी मिरली।

कुलुस्सियो 4:5

समया के किमती समजुन भाती बाहार चो लोगमन चो संगे अकल बितामन असन बर्ताव करा।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

1 थिस्सलुनीकियो 5:21

सपाय गोठमन के परका; जोन अच्छा आय हुनके धरून रहा।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

1 पतरस 4:17

कसनबल्लोने हुन समया ऐऊन अमरली से कि पयले माहापुरू चो लोगमन चो नियाय करा जाय दे; आउर जसन कि नियाय चो मुर आमचो ची ले होये दे तो हुनमन चो काय आखरी होये दे जोन माहापुरू चो नगतखबर के नी मानोत?

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

3 यूहन्ना 1:10

ऐईकाजे जिदलदाय मय ऐयें दें तेबे हुनचो काममन चो बाटे जोन हुन करे से, सुरता करायें दें, कि हुन आमचो बारे ने घिन-घिना गोठमन बकरू आय; आउर ऐ थाने बले संतुष्ट नी करून खुद ची भाईमन के गरहन नी करे, आउर हुनमन के जोन गरहन करूक चाहाय सोत मना करू आय आउर कलीसिया ले निकराऊन देऊ आय।

3 यूहन्ना 1:11

हे लाड़रा, खराप चो नाई मान्तर भलाई चो करतो बिता हो। जोन भलाई करू आय, हुन माहापुरू चो बाटले आय; मान्तर जोन खराप करू आय, हुन माहापुरू के नी दकलो।

3 यूहन्ना 1:3

कसनबल्लोने जिदलदाय भाईमन ऐऊन भाती तुचो हुन सत चो गोहई दिला, जोन थाने तुय सत-सत चलु आस, तेबे मय खुबे ची हरिक होले।