गलातियो 5:7 - Halbi

⁷ तुमी तो नुकु-नुकु पराते राआस। अदायं कोन तुमके ठेबाऊन दिलो कि सत के नी माना।

परमेस्वर को सच्चो वचन ख जाननू

⁷ तुम तो अच्छी-भली दऊड दऊडत रह। अब को न तुम ख रोक दियो कि सही ख मत माननू।

गलातियो 5:7 ပူးပေါင်းရင်းမြစ်များ

मत्ती 13:21

मान्तर आपलो ने चेर नी संगातोर लागुन हुन खिन्डिक ची दिन चो आय, आउर जिदलदाय बचन चो लागुन कलेश नाहले झंझट होऊ आय तेबे तुरते ठोकरना खाऊ आय।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

रोमियो 10:16

मान्तर सपाय हुन नगतखबर थाने कान नी लगाला। यशाया बले से, “हे परबु, कोन आमचो खबर थाने बिश्वास करलो?”

रोमियो 15:18

कसनबल्लोने हुन गोठमन के छांडुन मोके आउर कोनी गोठ चो बारे ने बले बोलतोर साहास निआय, जोन मसीह दुसर जातिमन चो लगे चो काजे बचन, आउर करम,

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

1 कुरिन्थियो 9:24

काय तुमी नी जानास कि दौड़ ने तो दौडू सपाय आत, मान्तर ईनाम गोटक ची धरून जाऊ आय? तुमी असने ची दौड़ा कि जीता।

2 कुरिन्थियो 10:5

ऐईकाजे आमी कलपनामन चो आउर हरकोनी ऊँचा गोठ चो, जोन माहापुरू चो पयचान चो बिरूद ने उठु आय, खंडन करू आत, आउर हरकोनी भावना के कयद करून मसीह चो हुकुम मानु बनान देऊ आंव,

गलातियो 2:2

मोचो जातोर ईश्पर परकाशन चो अनुसार होली; आउर जोन नगतखबर मय दुसर जातिमन ने परचार करें से, हुनके मय हुनमन के सांगुन दिले, मान्तर एकान्त ने हुनमन के जोन बड़े समजा जाते रवत, बल्ले असन नी होओ कि मोचो ऐ समया चो नाहले पिछला दौड़ धुप फकाहा ठेबो।

गलातियो 3:1

हे निरबुद्धि गलातिमन, कोन तुमके मोहीत करलो से? तुमचो तो माना आँईक चो पुरे ईशु मसीह कुरूस उपरे दकाया गेलो!

गलातियो 5:10

मय परबु थाने तुमचो बारे ने भरसा संगाऊ आय कि तुमचो कोनी दुसर बिचार नी होये दे; मान्तर जोन तुमके घबराऊन देऊ आय, हुन कोनी केंव नी होओ डण्ड पाये दे।

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

इब्रानियो 11:8

बिश्वास ची ले अब्राहाम जिदलदाय हाग दिया गेलो तेबे हुकुम मानुन भाती असन जगा निकरून गेलो जेके हक ने धरू बिता रलो; आउर ऐ नी जानते रलो कि मय कोन बाटे जायें से, तेबले बले निकरून गेलो।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।