गलातियो 5:6 - Halbi

⁶ मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

परमेस्वर को सच्चो वचन ख जाननू

⁶ मसी यीसु म न खतना अर न ही खतना नी करनो महत्व कुछ काम को हैं, पर सिर्फ भरोसा, जो प्रेम को व्दारा प्रभाव ड़ाला हैं।

गलातियो 5:6 ပူးပေါင်းရင်းမြစ်များ

लूका 7:5

कसनबल्लोने हुन आमचो जाति ले मया संगाऊ आय, आउर हुनी ची आमचो आराधना घर के बनालो से।”

1 कुरिन्थियो 13:13

मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

1 कुरिन्थियो 7:19

ना खतना काई आय आउर ना बिन खतना, मान्तर माहापुरू चो हुकुममन के मानतोर ची सपाय काई आय।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

गलातियो 6:15

कसनबल्लोने ना खतना आउर ना खतना नी करलो काई आत, मान्तर नवा ब्रमांड।

इफिसीयो 6:23

माहापुरू बुआ आउर परबु ईशु मसीह चो बाटले भाईमन के शान्ति आउर बिश्वास संगे मया मिरो।

कुलुस्सियो 1:4

कसनबल्लोने आमीमन सुनलु से कि मसीह ईशु उपरे तुमचो बिश्वास आसे, आउर सपाय पवितर लोगमन ले तुमी मया संगाऊ आहास;

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

इब्रानियो 11:8

बिश्वास ची ले अब्राहाम जिदलदाय हाग दिया गेलो तेबे हुकुम मानुन भाती असन जगा निकरून गेलो जेके हक ने धरू बिता रलो; आउर ऐ नी जानते रलो कि मय कोन बाटे जायें से, तेबले बले निकरून गेलो।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;