गलातियो 2:9 - Halbi

⁹ आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

परमेस्वर को सच्चो वचन ख जाननू

⁹ अर जब उन न वा दया ख जे मो ख मिलो हतो जान लियो, ते याकूब, अर कैफा, अऊर यूहन्ना न जे कलेसिया का खंमा समझीया जात रह, मो ख अर बरनबास ख संगति को जेवनो हात दियो कि हम दुसरी जात हुन को पास जाए अर वी खतना वाला को पास;

गलातियो 2:9 ပူးပေါင်းရင်းမြစ်များ

मत्ती 16:18

आउर मय बले तुचो ले बलेंसें कि तुय पतरस आस, आउर मय ऐ पकना थाने आपलो कलीसिया बनायेंदें आउर अधलोक चो कपाट हुनचो उपरे हाबी नी होयेदे।

लूका 22:8

ईशु पतरस आउर यूहन्ना के ऐ बोलुन भाती पठालो, “जाऊन भाती आमचो खातो काजे फसह तिआर करा।”

यूहन्ना 1:42

हुन हुनके ईशु चो लगे आनलो। ईशु हुनचो उपरे दकुन भाती बल्लो, “तुय यूहन्ना चो बेटा शिमोन आस, तुय कयफा बल्लोने पतरस बलाय होसे।”

प्रेरितो 12:17

तेबे हुन हुनमन के हाथ ले सोयका दकालो कि ओगाय राहा; आउर हुनमन के सांगलो कि परबु कसन रीति ले हुनके जयलघर ले निकराऊन आनलो से। फेर बल्लो, “याकूब आउर भाईमन के ऐ गोठ सांगुन दिआस।” तेबे निकरून भाती दुसर जगा जाते गेलो।

प्रेरितो 15:13

जिदलदाय हुनमन ओगाय होला तेबे याकूब बोलुक मुरयालो, हे भाईमन, मोचो सुना।

प्रेरितो 15:7

तेबे पतरस खुबे बोला-बल्ली होऊन गेलोर पाचे उबा होऊन भाती हुनमन के बल्लो, हे भाईमन, तुमी जानास कि खुबे दिन होली माहापुरू तुमचो थानले मोके चुनलो कि मोचो मुंह ले दुसर जातिमन नगतखबर चो बचन सुनुन भाती बिश्वास करोत।

प्रेरितो 4:36

यूसुफ नाव साइप्रस चो गोटक लेवी रलो जेचो नाव पठालोबितामन बरनबास (बल्लोने शान्ति चो बेटा) संगाऊ रला।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 12:3

कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।

रोमियो 15:15

तेबले बले मय काहांय-काहांय सुरता दियातो काजे तुमके जोन खुबे साहास करून लिकले। ऐ हुन अनुग्रह चो लागुन होली जोन माहापुरू मोके दिलो से,

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

2 कुरिन्थियो 11:5

मय तो समजु आंय कि मय कोनी गोठ ने बड़े ले बड़े पठालोबितामन ले कम नुआय।

2 कुरिन्थियो 12:11

मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

2 कुरिन्थियो 8:4

आउर ऐ दान ने आउर पवितर लोगमन चो सेवा ने शामिल होतोर अनुग्रह चो बारे ने, आमचो ले घन-घन खुबे बिनती करला,

गलातियो 1:16

जिदलदाय मन होली कि मोचो थाने आपलो बेटा के परकट करो कि मय दुसर जातिमन ने हुनचो नगतखबर सुनायें दे, तेबे ना मय मास आउर लऊ ले सलाह धरले,

गलातियो 1:18

फेर तीन बरक चो पाचे मय कयफा ले भेट करतो काजे यरूशलेम गेले, आउर हुनचो लगे पन्दरा दिन तक रले।

गलातियो 2:1

चवदा बरक चो पाचे मय बरनबास चो संगे फेर यरूशलेम ने गेले, आउर तीतुस के बले संगे निले।

गलातियो 2:2

मोचो जातोर ईश्पर परकाशन चो अनुसार होली; आउर जोन नगतखबर मय दुसर जातिमन ने परचार करें से, हुनके मय हुनमन के सांगुन दिले, मान्तर एकान्त ने हुनमन के जोन बड़े समजा जाते रवत, बल्ले असन नी होओ कि मोचो ऐ समया चो नाहले पिछला दौड़ धुप फकाहा ठेबो।

गलातियो 6:3

कसनबल्लोने अगर कोनी काई नी होलो थाने बले आपन खुद के काई समजु आय, तो आपन खुद के धोका देऊ आय।

इफिसीयो 2:20

आउर पठालोबिता आउर अगम गिआनीमन चो पाया थाने, जेचो कोना चो पकना मसीह ईशु खुद ची आय, बनाया गेलासास।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

कुलुस्सियो 1:29

ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

1तीमुथियुस 3:15

कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

प्रकाशितवाक्य 3:12

“जोन जय पावला हुनके मय आपलो माहापुरू चो मंदिर ने गोटक खुटा बनायेंदे, आउर हुन फेर केबीई बाहरे नी निकरेदे; आउर मय आपलो माहापुरू चो नाव आउर आपलो माहापुरू चो नंगर बल्लोने नवा यरूशलेम चो नाव, जोन मोचो माहापुरू चो लगे ले सरग उपर ले उतरतो बिती आय, आउर आपलो नवा नाव हुन थाने लिकेन्दे।”