गलातियो 2:20 - Halbi

²⁰ मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

परमेस्वर को सच्चो वचन ख जाननू

²⁰ मी मसी को संग सुली पर चढ़ायो गयो हैं, अब मी जिन्दो नी रयो, पर मसी मोरो म जिन्दो हैं; अर मी सरीर म अबा तो जिन्दो हैं ते सिर्फ उ भरोसा से जिन्दो हैं जे परमेस्वर को पोरिया पा हैं, जेना मोसे प्रेम करयो अर मोरो लाने अपनो तुम ख दे दियो।

गलातियो 2:20 ပူးပေါင်းရင်းမြစ်များ

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मत्ती 4:3

तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

यूहन्ना 1:49

नतनएल हुनके जबाप दिलो, “हे रब्बी, तुय माहापुरू चो बेटा आस; तुय इस्राएल चो माहाराजा आस।”

यूहन्ना 10:11

अच्छा चरेया मय आय; अच्छा चरेया मेंडामन चो काजे आपलो जीव देऊ आय।

यूहन्ना 15:13

ऐचो ले बड़े मया काचीई नुआय कि कोनी आपलो मीतमन चो काजे आपलो जीव देओ।

यूहन्ना 17:21

कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:35

बुआ बेटा ले मया संगाऊ आय, आउर हुन सपाय तीजमन हुनचो हाथ ने देऊन दिलो से।

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

रोमियो 1:17

कसनबल्लोने हुन थाने माहापुरू चो धारमिकता बिश्वास ले आउर बिश्वास चो काजे उजागर होऊ आय; जसन लिकलोर आसे, “बिश्वास ले धरमी जन जीव रयदे।”

रोमियो 14:7

कसनबल्लोने आमचो थानले ना तो कोनी आपलो काजे जीऊ आय आउर ना कोनी आपलो काजे मरू आय।

रोमियो 3:22

बल्लोने माहापुरू चो हुन धारमिकता जोन ईशु मसीह उपरे बिश्वास करलो ने सपाय बिश्वास करतो बितामन चो काजे आय। कसनबल्लोने काई भेद नियाय;

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 5:2

जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू।

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 6:8

ऐईकाजे अगर आमी मसीह चो संगे मरून गेलु, तेबे आमचो बिश्वास ऐ आय कि हुनचो संगे जीऊन्दे बले।

रोमियो 8:10

अगर मसीह तुमचो ने आसे, तेबे देंह पाप चो लागुन मरली से; मान्तर आत्मा धरम चो लागुन जीव आसे।

रोमियो 8:37

मान्तर ऐ सपाय गोठमन ने आमी हुनचो बाटले जोन आमचो ले मया करलो से, जितरो बिता ले बले बडुन भाती आंव।

1 कुरिन्थियो 6:17

आउर जोन परबु चो संगत ने रऊ आय, हुन हुनचो संगे गोटक आत्मा होऊ आय।

2 कुरिन्थियो 1:24

ऐ नाई कि आमी बिश्वास चो बारे ने तुमचो उपरे परभुता जतातोर चाहाऊं से; मान्तर तुमचो हरिक ले सायक आय कसनबल्लोने तुमी बिश्वास ची ले थीर रऊ आस।

2 कुरिन्थियो 10:3

कसनबल्लोने अगर आमी देंह ने चलूं से फिरूं से, तेबले बले देंह चो अनुसार नी लडु।

2 कुरिन्थियो 11:10

अगर मसीह चो सत मोचो ने आसे तो अखाया देश ने कोनी मोके ऐ घमण्ड ले नी ठेबा दे।

2 कुरिन्थियो 13:3

कसनबल्लोने तुमी तो ऐचो सबुत चाहायसास कि मसीह मोचो थाने बोलु आय, जोन तुमचो काजे कमजोर नुआय मान्तर तुमीमन ने सामरती आय।

2 कुरिन्थियो 13:5

आपन खुद के परका कि बिश्वास ने आसास कि नाई। आपन खुद के जाचा। काय तुमी आपलो बारे ने ऐ नी जानास कि ईशु मसीह तुमचो ने आसे? नी होले तुमी जाच ने ठग निकरलासास।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

2 कुरिन्थियो 5:7

कसनबल्लोने आमी रूप के दकुन भाती नाई, मान्तर बिश्वास ले चलु आंव।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 3:11

मान्तर ऐ गोठ परकट आसे कि नियम चो लागुन माहापुरू चो थाने कोनी धरमी नी ठेबे, कसनबल्लोने धरमी जन बिश्वास ले जीव रये दे।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

इफिसीयो 3:17

आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती,

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 5:25

हे मनुकमन, आपलो-आपलो बायले ले मया संगाहा जसन मसीह बले कलीसिया ले मया करून आपन खुद के हुनचो काजे देउन दिलो।

फिलिप्पियो 1:21

कसनबल्लोने मोचो काजे जीव रतोर मसीह आय, आउर मरून जातोर फायदा आय।

फिलिप्पियो 4:13

जोन मोके सामरत देऊ आय हुन थाने मय सपाय काई करूक सकें।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 5:10

हुन आमचो काजे ऐई कारन मरलो कि आमी भले चेता रऊँ भले सोहते रऊँ, सपाय मिसुन भाती हुनचेई संगे जीऊ।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 8:3

कसनबल्लोने हरकोनी माहायाजक भेट आउर बलिदान चेगातो काजे ठेबाया जाऊ आय, ऐई कारन जरूर आय कि ऐ याजक चो लगे बले काई चेगातो काजे होओ।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 3:20

“दक, मय कपाट थाने उबा होऊन ठखठखायसे; अगर कोनी मोचो शब्द सुनुन भाती कपाट उगाढ़ेदे, तेबे मय हुनचो लगे भीतरे ऐऊन भाती हुनचो संगे भोजन करेंदे आउर हुन मोचो संगे।”