गलातियो 2:2 - Halbi

² मोचो जातोर ईश्पर परकाशन चो अनुसार होली; आउर जोन नगतखबर मय दुसर जातिमन ने परचार करें से, हुनके मय हुनमन के सांगुन दिले, मान्तर एकान्त ने हुनमन के जोन बड़े समजा जाते रवत, बल्ले असन नी होओ कि मोचो ऐ समया चो नाहले पिछला दौड़ धुप फकाहा ठेबो।

परमेस्वर को सच्चो वचन ख जाननू

² मोरो भेज्यो जानो परमेस्वर की मर्जी को हिसाब से भयो; अर जे अच्छी खबर मी दुसरी जात या समाज हुन म परचार करते रहू हैं, ओ ख मी न उन ख बता दियो, पर अकेलो म उन ख जे बड़ा संमझीया जात रह, ताकि असो नी होय की मोरी या बखत की या पुरानी दऊड घाम बेकार ठहरे।

गलातियो 2:2 ပူးပေါင်းရင်းမြစ်များ

मत्ती 10:16

“दका, मय तुमके मेंडामन चो असन बिगवामन चो मंजी ने पटायें से, ऐईकाजे सांपमन चो असन अकल बिता आउर परेयांमन चो असन सोज बना।

प्रेरितो 15:12

तेबे पुईतराय सभा ओगाय बरनबास आउर पौलुस चो सुनुक मुरयाली, कि माहापुरू हुनमन चो बाटले दुसर जातिमन ने कसन बड़े-बड़े चिना, आउर भयंकर काम दकालो।

प्रेरितो 15:2

जिदलदाय पौलुस आउर बरनबास चो हुनमन ले खुबे झगड़ा आउर बोला-बल्ली होली तेबे ऐ थेबाया गेली कि पौलुस आउर बरनबास आउर हुनमन थानले कितलो माने ऐ गोठ चो बारे ने पठालोबिता आउर सियानमन चो लगे यरूशलेम ने जाओत।

प्रेरितो 15:4

जिदलदाय हुनमन यरूशलेम पोंचला, तेबे कलीसिया आउर पठालोबिता आउर सियान हुनमन ले हरिक चो संगे मिलला, आउर हुनमन सांगला कि माहापुरू हुनमन चो संगे होऊन भाती कसन-कसन कामकरू रये।

प्रेरितो 18:9

परबु गोटक राती दरशन चो बाटले पौलुस ले बल्लो, नी डर, मान्तर बोलते जा आउर ओगाय नी रा;

प्रेरितो 23:11

हुनी राती परबु हुनचो लगे उबा होऊन भाती बल्लो, “हे पौलुस, हिम्मत बांद; कसनबल्लोने जसन तुय यरूशलेम ने मोचो गोहई दिलीस, असने ची तुके रोम ने बले गोहई देतोर होये दे।”

प्रेरितो 5:34

मान्तर गमलीएल नाव गोटक फरीसी जोन नियमकारी आउर सपाय लोगमन ने मानतो लायक रलो, माहासभा ने उबा होऊन भाती पठालोबितामन के डण्डिक काजे बाहार करतोर हुकुम दिलो।

रोमियो 9:16

आउर ऐ ना तो चाहतो बितामन चो, ना परातो बितामन चो मान्तर दया करतो बिता माहापुरू चो गोठ आय।

1 कुरिन्थियो 1:23

मान्तर आमी तो हुन कुरूस थाने चेगलो बिता मसीह चो परचार करू आंव, जोन यहूदीमन चो काजे ठोकरना चो कारन आउर दुसर जातिमन चो काजे मुरूकता आय;

1 कुरिन्थियो 2:2

कसनबल्लोने मय ऐ ठानुन रये कि तुमचो मंजी ईशु मसीह मान्तर कुरूस थाने चेगालोर मसीह के छांडुन आउर कोनी गोठ के नी जाने।

1 कुरिन्थियो 9:24

काय तुमी नी जानास कि दौड़ ने तो दौडू सपाय आत, मान्तर ईनाम गोटक ची धरून जाऊ आय? तुमी असने ची दौड़ा कि जीता।

1 कुरिन्थियो 9:26

ऐईकाजे मय तो ऐई रीति ले दौड़ें से, मान्तर लक्ष हीन नुआय; मय बले ऐई रीति ले मुटकामन ले लडु आंय, मान्तर हुनचो असन नाई जोन लेहरा पेटते-पेटते लडु आय।

2 कुरिन्थियो 12:1

मान्तर घमण्ड करतोर मोचो काजे ठीक नुआय तेबले बले करूक पडु आय; ऐईकाजे मय परबु चो दिलो बिती दरशनमन आउर परकाशनमन के चरचा करें दें।

गलातियो 1:12

कसनबल्लोने हुन मोके माने चो बाटले नी पोंहचली, आउर ना मोके सिकाय गेली, मान्तर ईशु मसीह चो परकाशन ले मिरली।

गलातियो 1:16

जिदलदाय मन होली कि मोचो थाने आपलो बेटा के परकट करो कि मय दुसर जातिमन ने हुनचो नगतखबर सुनायें दे, तेबे ना मय मास आउर लऊ ले सलाह धरले,

गलातियो 1:6

मोके चकित होऊ आय कि जोन तुमके मसीह चो अनुग्रह ने हाग दिलो हुनचो ले तुमी ईतलो झटके फिरून भाती दुसर ची परकार चो नगतखबर चो बाटे लोऊँक मुरयालास।

गलातियो 2:6

फेर जोन लोग काई समजते जाते रवत (हुनमन भले कसने बले रवत मोके ऐचो ले काई काम निआय; माहापुरू काचीई भेदभाव नी करे) हुनमन ले जोन काई समजा जाते रये, मोके काई बले नी परापत होली।

गलातियो 2:9

आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

गलातियो 5:7

तुमी तो नुकु-नुकु पराते राआस। अदायं कोन तुमके ठेबाऊन दिलो कि सत के नी माना।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

फिलिप्पियो 2:29

ऐईकाजे तुमी परबु ने हुनचो ले खुबे हरिक चो संगे भेट करा, आउर असनमन चो ईजीत करा,

1 थिस्सलुनीकियो 3:5

ऐई लागुन जिदलदाय मोचो ले आउर नी रऊक होली, तेबे तुमचो बिश्वास चो हाल जानतो काजे पठाले, कि काहांय असन नी होओ कि परीक्षा धरतो बिता तुमचो परीक्षा धरलो से, आउर आमचो मसागत फकाहा होऊन गेली से।

2 तीमुथियुस 4:7

मय अच्छा कुसती लडुन चुकले से, मय आपलो दौड़ पुरा करले से, मय बिश्वास चो राका करले से।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,