गलातियो 2:16 - Halbi

¹⁶ तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

परमेस्वर को सच्चो वचन ख जाननू

¹⁶ तेभी असो समझ ख कि इंसान नेम को काम हुन से नी, पर सिर्फ यीसु मसी पर भरोसा करन को व्दारा धर्मी ठहरा हैं, हम न तुम भी मसी यीसु पर भरोसा करो कि हम नेम का काम हुन से नी, पर मसी पर भरोसा करन से धर्मी ठहरे; एकोलाने कि नेम को काम हुन से कोई इंसान धर्मी नी ठहरन को।

गलातियो 2:16 ပူးပေါင်းရင်းမြစ်များ

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

रोमियो 1:17

कसनबल्लोने हुन थाने माहापुरू चो धारमिकता बिश्वास ले आउर बिश्वास चो काजे उजागर होऊ आय; जसन लिकलोर आसे, “बिश्वास ले धरमी जन जीव रयदे।”

रोमियो 3:30

कसनबल्लोने गोटक ची माहापुरू आसे, जोन खतना बितामन के बिश्वास ले आउर खतना नी होलो बितामन के बले बिश्वास चो बाटले धरमी ठेबा ये दे।

रोमियो 4:2

कसनबल्लोने अगर अब्राहाम काममन ले धरमी ठेबाय जातो, तेबे हुनके घमण्ड करतोर कारन होती, मान्तर माहापुरू चो लगे नाई।

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 9:30

आउर आमी काय बलवां? ऐ कि दुसर जातिमन जोन धारमिकता के नी डगराते रवत, धारमिकता परापत करला बल्लोने हुन धारमिकता के जोन बिश्वास ले आसे;

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

गलातियो 4:5

बल्ले नियम चो अधीनमन के घेनुन भाती छंड़ाओ, आउर आमके हकदार होतोर पन मिरो।

गलातियो 5:4

तुमी जोन नियम चो बाटले धरमी ठेबुक चाहायसास, मसीह ले अलग आउर अनुग्रह ले घसरुन गेलासास।

फिलिप्पियो 3:9

आउर हुन थाने मिरूक होओ; ना कि आपलो हुन धारमिकता चो संगे, जोन नियम ले आसे, मान्तर हुन धारमिकता चो संगे जोन मसीह उपरे बिश्वास करतोर कारन आय आउर माहापुरू चो बाटले बिश्वास करलो ने मिरू आय;

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”

प्रकाशितवाक्य 7:9

ऐचो पाचे मय नंजराले, आउर दका, हरकोनी जाति आउर कुल आउर लोग आउर भाषा थानले गोटक असन बड़े भीड़, जेके कोनी गनुक नी सकते रवत, पंडरा फटीई पिन्दुन आउर आपलो हाथमन ने खजुर चो खेंदामन धरून भाती सिंघासन चो पुरे आउर मेमना चो पुरे उबा आसोत,