गलातियो 1:10 - Halbi

¹⁰ अदायं मय काय मानेमन के मानु आंय नाहले माहापुरू के? काय मय मानेमन के हरिक करूक चाहा ये से? अगर मय ऐबे तक मानेमन के ची हरिक करते रते तो मसीह चो दास नी होते।

परमेस्वर को सच्चो वचन ख जाननू

¹⁰ अब मी का अदमी हुन ख मानू हैं या परमेस्वर ख? का मी अदमी हुन ख खुस करनो चाहूँ हैं? अदि मी अबा तक अदमी हुन ख ही खुस करते रहतो ते मसी को नउकर नी होतो।

गलातियो 1:10 ပူးပေါင်းရင်းမြစ်များ

मत्ती 22:16

आउर हुनमन आपलो चेलामन के हेरोदीमन चो संगे हुनचो लगे ऐ बोलुक पठाला, “हे गुरू, आमी जानु कि तुय सत आस, आउर माहापुरू चो बाट सत धरम ले सिकाऊ आस, आउर काचीई फिकर नी करीस, कसनबल्लोने तुय मानेमन चो थोमना दकुन भाती गोठ नी गोठयाईस।

मत्ती 28:14

आउर अगर ऐ गोठ मुखिया चो कान लगले पोंचे दे, तेबे आमी हुनके समजाऊँ दें आउर तुमके खतरा ले बचाऊँ दें।”

मत्ती 6:24

“कोनी माने दुय मालिकमन चो सेवा नी करूक सके, कसनबल्लोने हुन गोटक ले बईर आउर दुसर ले मया संगायदे, नाहले गोटक ले मिलुन रयदे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।

प्रेरितो 12:20

हेरोदेस सूर आउर सयदा चो लोगमन ले खुबे हरिक नी रलो। ऐईकाजे हुनमन गोटक मन होऊन भाती हुनचो लगे ईला, आउर बलास्तुस के जोन राजा चो गोटक करमचारी रलो, मानाऊन भाती मिलुक लाय चाह लो; कसनबल्लोने राजा चो देश ले हुनमन चो देश चो पालन पोषन होते रली।

प्रेरितो 5:29

तेबे पतरस आउर दुसर पठालोबितामन जबाप दिला, “मानेमन चो हुकुम ले बडुन भाती माहापुरू चो हुकुम के मानतोर ची आमचो काम आय।”

रोमियो 1:1

पौलुस चो बाटले जोन ईशु मसीह चो दास आय, आउर पठालोबिता होतो काजे हाग दिया गेलो, आउर माहापुरू चो हुन नगतखबर काजे अलग करा गेलो से

रोमियो 2:29

मान्तर यहूदी हुनी आय जोन मन ने आसे; आउर खतना हुनी आय जोन मन चो आउर आत्मा ने आसे, ना कि लेखा चो; असन चो हरिक मानेमन चो बाटले नुआय, मान्तर माहापुरू चो बाटले होऊ आय।

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

1 कुरिन्थियो 10:33

जसन मय बले सपाय गोठमन ने सपाय के हरिक संगाऊ आय, आउर आपलो नाई मान्तर खुबेमन चो लाब डगराऊ आंय कि हुनमन मुक्ति पाओत।

2 कुरिन्थियो 12:19

तुमी ऐबले समजेसास होती कि आमी तुमचो पुरे जबाप उपरे जबाप देऊँ से। आमी तो माहापुरू के हाजिर जानुन भाती मसीह ने बोलु से, आउर हे लाड़रामन, सपाय गोठमन तुमचो उन्नती चो काजे बोलूं से।

इफिसीयो 6:6

मानेमन के हरिक करतो बितामन चो असन दकातो काजे सेवा नी करा, मान्तर मसीह चो दासमन चो असन मन ले माहापुरू चो इच्छा थाने चला,

फिलिप्पियो 1:1

मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

कुलुस्सियो 3:22

हे सेवकमन, जोन देंह चो अनुसार तुमचो मालिक आत, सपाय गोठमन ने हुनचो हुकुम चो पालन करा, मानेमन के हरिक करतो लोगमन चो असन दकातो काजे नाई, मान्तर मन चो सोज आउर माहापुरू चो डर ले।

1 थिस्सलुनीकियो 2:4

मान्तर जसन माहापुरू आमके लायक ठेबाऊन भाती नगतखबर सोपलो, आमी असने ची वर्णन करूं से, आउर ऐ थाने मानेमन के नाई, मान्तर माहापुरू के, जोन आमचो मन-मन के जाचु आय, हरिक करूं आंव।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1यूहन्ना 3:9

जोन कोनी माहापुरू ले जनम लो से हुन पाप नी करे, कसनबल्लोने हुनचो बीज हुनचो थाने बनुन रऊ आय, आउर हुन पाप करूक नी सके कसनबल्लोने माहापुरू ले जनम लो से।