इफिसीयो 6:20 - Halbi

²⁰ जेचो काजे मय सिकरा ले बान्दलो बिती राजदूत आंय; आउर ऐ बले कि मय हुनचो बारे ने जसन मोके जरूरत आसे साआस ले बलेंदें।

परमेस्वर को सच्चो वचन ख जाननू

²⁰ जेको लाने मी साँकल से जकड़ियो वालो राजदूत आय; अर असो भी की मी ओको बारे म जसो मो ख चाहिये हिम्मत से बोलूँ।

इफिसीयो 6:20 ပူးပေါင်းရင်းမြစ်များ

प्रेरितो 21:33

तेबे पलटन चो सरदार लगे ऐऊन भाती हुनके धरलो; आउर दुय सिकरामन ले बान्दतोर हुकुम देऊन भाती पचारूक मुरयालो, “ऐ कोन आय आउर ऐ काय करलो से?”

प्रेरितो 26:29

पौलुस बल्लो, “माहापुरू ले मोचो पारथना आय कि काय खिन्डिक ने काय खुबे ने, मात्र तुय ची नाई मान्तर जितरो लोग आजी मोचो सुनु आत, ऐ बान्दनमन के छांडुन हुनमन मोचो समान होऊन जाओत।”

प्रेरितो 28:20

ऐईकाजे मय तुमके हाग दिले से कि तुमचो ले मिलें दें आउर गोठ बात करें दें; कसनबल्लोने इस्राएल चो आशा काजे मय ऐ सिकरा ले बान्दलोर आंसे।

प्रेरितो 28:31

आउर जोन हुनचो लगे ऐते रवत, हुन सपाय ले मिलते रलो आउर बिना रोक-टोक खुबे निडर होऊन भाती माहापुरू चो राज चो परचार करते आउर परबु ईशु मसीह चो गोठमन सिकाते रलो।

प्रेरितो 5:29

तेबे पतरस आउर दुसर पठालोबितामन जबाप दिला, “मानेमन चो हुकुम ले बडुन भाती माहापुरू चो हुकुम के मानतोर ची आमचो काम आय।”

2 कुरिन्थियो 3:12

ऐईकाजे असन आशा संगाऊन भाती आमी हिम्मत चो संगे बोलु आंव,

2 कुरिन्थियो 5:20

ऐईकाजे आमी मसीह चो राजदूत आंव; माना माहापुरू आमचो दुवारा गुहार करे से। आमी मसीह चो बाटले गुहार करूं से कि माहापुरू चो संगे मिला-मिसा करा।

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 6:19

आउर मोचो काजे बले कि मोके बोलतोर समया असन परबल बचन दिया जाओ कि मय साआस चो संगे नगतखबर चो भेद सांगुक सकें,

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

कुलुस्सियो 4:3

आउर ऐचो संगे ची संगे आमचो काजे बले पारथना करते राहा कि माहापुरू आमचो काजे बचन सुनातोर असन दुआर उगाढुन देओ, कि आमी मसीह चो हुन भेद चो बरनन करूक सकु जेचो लागुन मय कयद ने आसे,

कुलुस्सियो 4:4

आउर हुनके असन परकट करें, जसन मोके करतोर नुकु आय।

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

फिलेमोन 1:10

मय आपलो पिला उनेसिमुस चो काजे, जोन मोचो ले मोचो कयद ने जनमलो से, तुके गुहार करेंसे।

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।