इफिसीयो 5:8 - Halbi

⁸ कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

परमेस्वर को सच्चो वचन ख जाननू

⁸ काहेकि तुम तो पहिले अन्धेरा म हता पर अब प्रभु म उजेरो आय, एकोलाने उजेरो कि अवलाद को जसो चलो।

इफिसीयो 5:8 ပူးပေါင်းရင်းမြစ်များ

मत्ती 3:8

मन फिरातोर लायक चो फल आना;

मत्ती 4:16

जोन लोग माहापुरू चो सत के नी जानते रवत हुनमन माहापुरू चो बड़े सत के दकला; आउर जोन मरना चो देश आउर छांय ने बसु रवत, हुनमन उपरे उजर बरली।”

लूका 1:79

कि अंधार आउर मरना चो छांय ने बसतो बितामन के उजर देओ, आउर आमचो पाँयमन के अच्छा बाट ने सीदा चला ओ।”

लूका 16:8

“मालिक हुन अधरमी भण्डारी के सहरालो कि हुन चलाक ले काम करलो से। कसनबल्लोने ऐ संवसार चो लोग आपलो समया चो लोगमन चो संगे रीति बेवहारमन ने उजर चो लोगमन ले खुबे चलाक आत।

यूहन्ना 1:9

सत उजर जोन सपाय माने के उजर करू आय, जगत ने ऐतो बिती रये।

यूहन्ना 12:35

ईशु हुनमन ले बल्लो, “उजर अदायं खिन्डिक समया काजे तुमचो मंजी ने आसे। जिदलदाय ले उजर तुमचो संगे आसे हुलदाय ले चलाए चला, असन नी होओ कि अंधार तुमके ऐऊन घेरो; जोन अंधार ने हिन्डु आय हुन नी जाने कि कोन बाटे जाये से।

यूहन्ना 12:36

जिदलदाय ले उजर तुमचो संगे आसे, उजर थाने बिश्वास करा बल्ले तुमी उजर चो पिलामन बना।” ऐ गोठमन बोलुन भाती ईशु जाते गेलो आउर हुनमन ले लुकुन नी रलो।

यूहन्ना 12:46

मय जगत ने उजर होऊन भाती ईले से बल्ले जोन कोनी मोचो उपरे बिश्वास करदे हुन अंधार ने नी रओ।

यूहन्ना 8:12

ईशु फेर लोगमन ले बल्लो, “जगत चो उजर मय आंय; जोन मोचो पाटे होये दे हुन अंधार ने नी चले दे मान्तर जीवना चो उजर पाये दे।”

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 1:21

ऐई कारन कि माहापुरू के जानलो ने बले हुनमन माहापुरू चो लायक बड़ाई आउर धन्यबाद नी करला, मान्तर फकाहा बिचार करूक मुरयाला, ऐथा ले कि हुनमन चो बेअकल मन अंधार होली।

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

रोमियो 2:19

आउर आपलो उपरे भरसा संगाऊ आस कि मय कानामन चो अगुवा, आउर अंधार ने पड़लो बितामन चो उजर,

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

2 कुरिन्थियो 6:14

बिश्वासिमन चो संगे असमान जुआंड़ी ने नी जोपा, कसनबल्लोने धारमिकता आउर अधरम चो काय मेल-जोल? नाहले उजर आउर अंधार चो काय मेल?

गलातियो 5:25

अगर आमी आत्मा चो बाटले जीव आंसु, तो आत्मा चो अनुसार चलु बले।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 4:18

कसनबल्लोने हुनमन चो अकल अंधार होऊन गेली से, आउर हुन अगिआन चो लागुन जोन हुनमन थाने आसे आउर हुनमन चो मन चो कठर चो लागुन हुनमन माहापुरू चो जीवना ले अलग कराय गेलासे;

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

कुलुस्सियो 1:12

आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।