इफिसीयो 5:20 - Halbi

²⁰ आउर सदा सपाय गोठमन चो काजे आमचो परबु ईशु मसीह चो नाव ले माहापुरू बुआ चो धन्यबाद करते राहा।

परमेस्वर को सच्चो वचन ख जाननू

²⁰ अऊर हमेसा सब बात को लाने हमरो प्रभु यीसु मसी को नाम से परमेस्वर बाप कि जय जयकार करते रहो।

इफिसीयो 5:20 ပူးပေါင်းရင်းမြစ်များ

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

रोमियो 1:8

पयले मय तुमी सपाय काजे ईशु मसीह चो बाटले आपलो माहापुरू चो धन्यबाद करेंसे, कसनबल्लोने तुमचो बिश्वास चो चरचा पूईतराय जगत ने होये से।

1 कुरिन्थियो 1:4

मय तुमचो बारे ने आपलो माहापुरू चो धन्यबाद सदा करूं आंय, ऐईकाजे कि माहापुरू चो ऐ अनुग्रह तुमचो उपरे मसीह ईशु ने होली,

1 कुरिन्थियो 15:24

ऐचो पाचे आखरी होये दे। हुन समया हुन पूईतराय बड़पन, आउर सपाय अधिकार, आउर सामरत चो आखरी करून राज के माहापुरू बुआ चो हाथ ने सोपुन देये दे।

इफिसीयो 5:4

आउर ना निरलजता, ना मुड़ता चो गोठ बात करलो, ना मजाक चो; कसनबल्लोने ऐ गोठ सोभा नी देये, मान्तर धन्यबाद ची सुना जाओं।

फिलिप्पियो 1:3

मय जिल-जिलदाय तुमके सुरता करूं आंय, तेबे-तेबे आपलो माहापुरू चो धन्यबाद करूं आंय;

फिलिप्पियो 4:6

कोनी बले गोठ चो चिन्ता नी करा; मान्तर हरकोनी गोठ ने तुमचो गुहार, पारथना आउर गुहार चो दुआरा धन्यबाद चो संगे माहापुरू चो पुरे हाजिर करा जाओ।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1 थिस्सलुनीकियो 3:9

आउर जसन हरिक तुमचो लागुन आपलो माहापुरू चो पुरे आसे, हुनचो पलटा तुमचो बारे ने आमी कोन रीति ले माहापुरू चो धन्यबाद करूं दे?

1 थिस्सलुनीकियो 5:18

सपाय गोठ ने धन्यबाद करा; कसनबल्लोने तुमचो काजे मसीह ईशु ने माहापुरू चो ऐई इच्छा आसे।

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

इब्रानियो 13:15

ऐईकाजे आमी हुनचो दुवारा स्तुति रूपी बलिदान, बल्लोने हुन होटमन चो फल जोन हुनचो नाव चो अंगीकार करू आत, माहापुरू के हरमेशा चेगाया करोत।

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।