इफिसीयो 4:28 - Halbi

²⁸ चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

परमेस्वर को सच्चो वचन ख जाननू

²⁸ चोरी करन वालो फिर चोरी नी करन को, वरन भली बात को काम सुरू करनु म अपनो हात से मेहनत करे, एकोलाने कि जेको काम होए ओ ख देन ख ओको जोने कुछ होनू।

इफिसीयो 4:28 ပူးပေါင်းရင်းမြစ်များ

लूका 19:8

जक्कई उबा होऊन भाती परबु ले बल्लो, “हे परबु, दक, मय आपलो आदो धनमाल कंगालमन के देयें दें, आउर अगर काचीई काई बले अनियाय करून धरले से तो हुनके चार दुना लेवटाऊन देये दे।”

लूका 3:8

आउर मन फिराव चो लायक फल आना, आउर आपलो-आपलो मन ने ऐ नी बिचारा कि आमचो बुआ अब्राहाम आय; कसनबल्लोने मय तुमचो ले बलें सें कि माहापुरू ऐ पकनामन ले अब्राहाम चो काजे पिला जनमाऊक सके।

यूहन्ना 12:6

हुन ये गोठ येई काजे नी बल्लो कि हुनके कंगालमन चो चिन्ता रली मान्तर येई काजे कि हुन चोर रलो, आउर हुनचो लगे हुनमन चो थयली रते रली आउर हुन थाने जोन काई डाला जाते रली, हुन निकराऊन धरते रलो।

यूहन्ना 13:29

यहूदा चो लगे थयली रते रली, ऐईकाजे कोनी-कोनी समजला कि ईशु हुनचो ले बलें सें कि जोन काई आमके परब काजे जरूरत आसे हुन घेनुन धरो, नाहले ऐ कि कंगालमन के काई देओ।

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

1 कुरिन्थियो 4:12

आउर आपली ची हाथमन ले काम करून मसागत करू आंव। लोग आमके खराप बोलु आत, आमी आशीष देऊ आंव; हुनमन कन्दराऊ आत, आमी सहु आंव।

2 कुरिन्थियो 8:12

कसनबल्लोने अगर मन चो तिआर होओ तेबे दान हुनचो अनुसार गरहन बले होऊ आय जोन हुनचो लगे आसे, ना कि हुनचो अनुसार जोन हुनचो लगे निआय।

2 कुरिन्थियो 8:2

कि कलेश चो बड़े परीक्षा ने हुनमन चो भारी हरिक आउर भारी कंगालपन ने हुनमन चो उदारता खुबे बडुन गेली।

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।