इफिसीयो 4:16 - Halbi

¹⁶ जेचो ले पूईतराय देंह, हरकोनी जोड़ान चो सायता ले गोटक संगे मिसुन भाती आउर गोटक संगे गठेयाय होऊन भाती, हुन असर चो अनुसार जोन हरकोनी धड़ चो नुकु-नुकु काम करतोर दुआरा हुन थाने होऊ आय, आपन खुद के बढ़ाऊ आय कि हुन मया ने उन्नती करते जाओं।

परमेस्वर को सच्चो वचन ख जाननू

¹⁶ अऊर जो से पुरो सरीर ख ताकत मिला हैं। तब सरीर अपनी हर एक जोड़ की मदत से एक संग मील ख अर एक संग गाँठ ख सभी जोड़ हुन कि मदत से अपनो सुधार होनो तक पहुँचा अऊर प्रेम से अपनो काम करा हैं।

इफिसीयो 4:16 ပူးပေါင်းရင်းမြစ်များ

यूहन्ना 15:5

मय अंगुर डीरा आय: तुमी खेंदामन आहास; जोन मोचो ने बनुन रऊ आय आउर मय हुनचो ने, हुन खुबे फल फरू आय, कसनबल्लोने मोचो ले अलग होऊन भाती तुमी काई बले नी करूक सकास।

रोमियो 12:4

कसनबल्लोने जसन आमचो गोटक देंह ने खुबे असन अंग आसे, आउर सपाय अंगमन चो गोटक ची समान काम नुआय;

1 कुरिन्थियो 10:17

ऐईकाजे कि गोटक ची रोटी आंव तेबे आमी बले जोन खुबे आंसु, गोटक देंह आंव कसनबल्लोने आमी सपाय हुनी गोटक रोटी ने शामिल होऊ आंव।

1 कुरिन्थियो 13:13

मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

1 कुरिन्थियो 8:1

अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

इफिसीयो 3:17

आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती,

इफिसीयो 3:7

मय माहापुरू चो अनुग्रह चो हुन दान चो अनुसार, जोन हुनचो सामरत चो असर चो अनुसार मोके दिया गेली, हुन नगतखबर चो सेवक बनले।

इफिसीयो 4:12

जेचो ले पवितर लोग सिद्ध होऊन जाओत आउर सेवा चो काम कराय जाओ आउर मसीह चो देंह उन्नती पाओ,

इफिसीयो 4:15

मान्तर मया ने सत ले चलते-चलते सपाय गोठमन ने हुनमन थाने जोन मुण्ड आय, बल्लोने मसीह ने बड़ते जाओत,

फिलिप्पियो 1:9

मय ऐ पारथना करें से कि तुमचो मया गिआन आउर सपाय परकार चो बिबक संगे आउर बले बड़ते जाओ,

कुलुस्सियो 2:19

आउर हुन शिरोमणि के धरून नी रये, जेचो ले पुईतराय देंह जोड़ानमन आउर जुआनमन चो कारन पालन पोषन पाऊन आउर गोटक संगे बन्दुन भाती, माहापुरू चो बाटले बड़ते जाऊ आय।

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

1 थिस्सलुनीकियो 3:12

आउर परबु असन करो कि जसन आमी तुमचो ले मया संगाऊ आंव, असने ची तुमचो मया बले आपस ने आउर सपाय मानेमन चो संगे बाड़ो, आउर उन्नती करते जाओ,

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1यूहन्ना 4:16

जोन मया माहापुरू आमचो ले संगाऊ आय, हुनके आमी जानलु आउर आमके हुनचो ले बिश्वास आसे। माहापुरू मया आय, आउर जोन मया ने बनुन रऊ आय हुन माहापुरू ने बनुन रऊ आय, आउर माहापुरू हुनचो थाने बनुन रऊ आय।