कुलुस्सियो 4:12 - Halbi

¹² इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

परमेस्वर को सच्चो वचन ख जाननू

¹² इपफ्रास, जे तुम म से हैं अर मसी यीसु को दास हैं, तुम ख नमस्कार कह हैं, अर हमेसा तुमरो लाने प्रार्थना म प्रयत्न करह हैं, तेकी तुम सिध्द हो ख पुरो भरोसा को संग परमेस्वर की इच्छा पर खडा रहो।

कुलुस्सियो 4:12 ပူးပေါင်းရင်းမြစ်များ

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

लूका 1:1

खुबे लोगमन हुन गोठमन चो जोन आमचो मंजी ने घटली से, हुनके लिकतो काजे हाथ लगाला सोत,

लूका 22:44

हुन घोर संकट ने बाय बिकाल होऊन भाती आउर बले मन दुख ले पारथना करूक मुरयालो, आउर हुनचो पसना माना लऊ चो बड़े-बड़े थिपामन चो असन भूईं थाने घसरते रये।

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

रोमियो 15:30

हे भाईमन, आमचो परबु ईशु मसीह चो आउर पवितर आत्मा चो मया चो सुरता दियाऊन भाती मय तुमचो ले बिनती करेंसे, कि मोचो काजे माहापुरू ले पारथना करतो ने मोचो संगे मिलुन भाती मतभुल राहा।

1 कुरिन्थियो 14:20

हे भाईमन, तुमी समज ने लेखा नी बना: खराबी ने तो लेका राहा, मान्तर समज ने सियान बना।

1 कुरिन्थियो 2:6

फेर बले सिद्ध लोगमन ने आमी गिआन सुनु आंव, मान्तर ऐ संवसार चो आउर ऐ संवसार चो नाश होतो बितामन हाकिममन चो गिआन नुआय;

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

गलातियो 1:10

अदायं मय काय मानेमन के मानु आंय नाहले माहापुरू के? काय मय मानेमन के हरिक करूक चाहा ये से? अगर मय ऐबे तक मानेमन के ची हरिक करते रते तो मसीह चो दास नी होते।

गलातियो 4:19

हे मोचो लेकामन, जिदलदाय ले तुमचो ने मसीह चो रूप नी बनुन जाये, हुदलदाय ले मय तुमचो काजे फेर जनमा लो असन दुकामन सहु आंय।

कुलुस्सियो 1:22

हुन अदायं हुनचो शारीरिक देंह ने मरना चो कारन तुमचो बले मिलान करलो बल्ले तुमके आपलो पुरे पवितर आउर निसकलंक, आउर बेकसूर बनान भाती हाजिर करो।

कुलुस्सियो 1:28

जेचो परचार करून आमी हरकोनी माने के जनाऊन देऊ आंव आउर पुईतराय गिआन ले हरकोनी माने के सिकाऊ आंव, कि आमी हरकोनी माने के मसीह ने सिद्ध करून हाजिर करूं।

कुलुस्सियो 1:29

ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

कुलुस्सियो 1:7

हुनचो सिक्या तुमी आमचो लाड़रा संगे कामकरू इपफ्रास ले पावलास, जोन आमचो काजे मसीह चो बिश्वास लायक सेवक आय।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 4:9

हुनचो संगे मय उनेसिमुस के बले पठाले से जोन बिश्वास लायक आउर लाड़रा भाई आउर तुमचेई ले आय; ऐमन तुमके ऐथा चो सपाय गोठमन के सांगुन देदे।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

फिलेमोन 1:23

इपफ्रास, जोन मसीह ईशु ने मोचो संगे कयदी आसे,

इब्रानियो 5:14

मान्तर अरन सियानमन जो काजे आय, जेचो गिआन ईन्द्रिमन सुरता करता-करता अच्छा-खराप ने परक करतो ने निपुन होऊन गेलीसे।

इब्रानियो 5:7

ईशु आपलो देंह ने रतोर दिनमन ने बड़े जोर ले हाग देऊन हाग देऊन भाती आउर आँसु बहान-बहान भाती हुनचो ले जोन हुनके मरना ले बचाऊक सकते रये, पारथनामन आउर गुहार करलो, आउर भक्ति चो लागुन हुनचो सुना गेली।

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

याकूब 1:4

मान्तर धीरज के आपलो पुरा काम करूक दिआस कि तुमी पुरा आउर सिद्ध होऊन जाहा, आउर तुमचो थाने कोनी गोठ चो कमी नी रओ।

याकूब 5:16

ऐईकाजे तुमी आपस ने गोटक दुसर चो पुरे आपलो-आपलो पाप के माना, आउर गोटक दुसर चो काजे पारथना करा, जेचो ले चेंगा होऊन जाआ; धरमी जन चो पारथना चो असर ले खुबे काई होऊक सके।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,