कुलुस्सियो 3:5 - Halbi

⁵ ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

परमेस्वर को सच्चो वचन ख जाननू

⁵ ऐको लाने अपनो उ आग ख मार डाले जे जमीन पर हैं, छिनाला करन वाली असुध्द, बुरो काम, बुरी इकछा अर लोब ख जे मूर्ति पूजा को बराबर हैं।

कुलुस्सियो 3:5 ပူးပေါင်းရင်းမြစ်များ

मत्ती 15:19

कसनबल्लोने खराप बिचार, हत्या, दुसर चो बायले के नेतोर, बेबीचार, चोरी, झूठा गवा आउर निन्दा मन ले निकरू आय।

रोमियो 1:26

ऐईकाजे माहापुरू हुनमन के निच काममन चो वश ने छांडलो; ऐथा ले कि हुनमन चो बायलेमन बले स्वभाविक टकर के हुनचो ले जोन टकर चो बिरूद आय, बदलुन दिला।

रोमियो 1:29

ऐईकाजे हुनमन सपाय परकार चो अधरम, आउर दुष्ट, आउर लोभ, आउर बयर ले भरला; आउर डाह, आउर हत्या, आउर झगड़ा, आउर छंद, आउर कुचर ले भरपूर होला, आउर खुदेयार,

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

रोमियो 7:23

मान्तर मोके आपलो अंगमन ने दुसर परकार चो नियम दका पडु आय, जोन मोचो अकल चो नियम ले लडु आय आउर मोके पाप चो नियम चो गांट ने डालु आय जोन मोचो अंगमन ने आसे।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

1 कुरिन्थियो 5:1

ऐथा ले सुनतो ने ऐऊ आय कि तुमचो ने बेबीचार होऊ आय, मान्तर असन बेबीचार जोन दुसर जातिमन ने बले नी होये कि गोटक माने आपलो बुआ चो बायले के संगाऊ आय।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

1 कुरिन्थियो 6:13

भात पेट चो काजे, आउर पेट भात काजे आय, मान्तर माहापुरू ऐके आउर हुनके दुनो के नष्ट करे दे। मान्तर देंह बेबीचार चो काजे नुआय, मान्तर परबु चो काजे आय, आउर परबु देंह चो काजे आय।

1 कुरिन्थियो 6:18

बेबीचार ले बाचु राहा। जितरो दुसर पाप माने करू आय हुन देंह चो बाहरे आय, मान्तर बेबीचार करतो बिता आपली देंह चो बिरूद पाप करू आय।

2 कुरिन्थियो 12:21

आउर काहांय असन नी होओ कि मोचो माहापुरू मोचो फेर ले तुमचो थाने ऐ तो काजे मोचो उपरे दबाव डालो आउर मोके खुबेमन चो काजे फेर दुक करूक पड़ो, जोनमन पयले पाप करू रओत आउर अशुद्ध काम आउर बेबीचार आउर ढीलाढाला ले, जोन हुनमन करला, मन नी फिराला।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

इफिसीयो 4:19

आउर हुनमन चिमनाय होऊन भाति ढ़िलाढ़ाला लगुन गेला सोत कि सपाय परकार चो अशुद्ध काम लालच ले करते रओत।

कुलुस्सियो 2:11

हुनी थाने तुमचो असन खतना होली जोन हाथ ले नी होये, बल्लोने मसीह चो खतना जेचो ले शारीरिक देंह उतराऊन दियाय जाऊ आय,

1 थिस्सलुनीकियो 4:3

कसनबल्लोने माहापुरू चो इच्छा ऐ आय कि तुमी पवितर बना बल्लोने बेबीचार ले बाचुन राहा,

1 थिस्सलुनीकियो 4:5

आउर ऐ काम इच्छा ले नाई, आउर ना हुन जातिमन चो समान जोन माहापुरू के नी जानोत,

1तीमुथियुस 6:10

कसनबल्लोने रूपया चो लोभ सपाय परकार चो खराबीमन चो चेर आय, जोन के परापत करतोर कोशिश करते-करते कितलो लोगमन बिश्वास ले भटकुन भाती आपन खुद के नाना परकार चो दुखमन ले छिलछिदरी बनाला से।

इब्रानियो 12:16

असन नी होओ कि कोनी जन बेबीचारी, नाहले एसाव चो असन अधरमी होओ जोन गोटक हार चो भात चो पलटा आपलो पयलवात होतोर पन बिकुन दिलो।

इब्रानियो 13:4

बिआ सपाय ने ईजीत चो गोठ समजा जाओ, आउर बिहा ओचना निसकलंक रओ, कसनबल्लोने माहापुरू बेबीचारीमन, आउर दुसर चो बायले नेतो बितामन चो नियाय करेदे।

इब्रानियो 13:5

तुमचो स्वभाव ने लालच नी रओ, आउर जोन तुमचो लगे आसे हुनी थाने सन्तोष करा; कसनबल्लोने हुन खुद ची बल्लो से, “मय तुके केबीई नी छांडेदे, आउर ना केबीई तुके ठुकरायेंदे।”

याकूब 4:1

तुमचो थाने लड़ीईमन आउर झगड़ामन काहां ले ईली? काय हुन सुक-सुबिदामन ले नुआय जोन तुमचो धड़मन ने लडु आत आउर भिडू आत।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।