कुलुस्सियो 3:25 - Halbi

²⁵ कसनबल्लोने जोन खराप करू आय हुन आपलो खराप चो फर पाऐ दे, हुता काचीई भेद-भाव नुआय।

परमेस्वर को सच्चो वचन ख जाननू

²⁵ काहेकि जे बुरो करा हैं उ अपनी बुराई को फल पाहे, वाहा कोई को भी पक्छपात नी होन की।

कुलुस्सियो 3:25 ပူးပေါင်းရင်းမြစ်များ

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

लूका 20:21

हुनमन हुनचो ले ऐ पचारला, “हे गुरू, आमी जानु कि तुय ठीक बोल सीस आउर सिकाऊ बले आस, आउर काचीई भेदभाव नी करीस, मान्तर माहापुरू चो बाट सत धरम ले सांगु आस।

प्रेरितो 10:34

तेबे पतरस बल्लो, “अदायं मोके तय होली कि माहापुरू काचीई पक्ष नी करे”

रोमियो 2:11

कसनबल्लोने माहापुरू कोचीई भेद-भाव नी करे।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

इफिसीयो 6:8

कसनबल्लोने तुमी जानेसास कि जोन कोनी जसन अच्छा काम करेदे, भले दास होओ भले छुटछाड़ा, परबु ले असने ची पायेदे।

इफिसीयो 6:9

हे मालिकमन, तुमी बले धाकामन देऊक छांडुन भाती हुनमन चो संगे असने ची बेवहार करा; कसनबल्लोने तुमी जानेसास कि हुनमन चो आउर तुमचो दुनो चो मालिक सरग ने आसे, आउर हुन काचीई पक्ष नी करे।

कुलुस्सियो 4:1

हे मालिकमन, आपलो-आपलो दासमन चो संगे नियाय आउर नुकु-नुकु बेबार करा, ऐ समजुन भाती कि सरग ने तुमचो बले गोटक मालिक आसे।

1 थिस्सलुनीकियो 4:6

कि ऐ गोठ ने कोनी आपलो भाई के नी ठगो, आउर ना हुनचो उपरे दाँव चला ओ, कसनबल्लोने परबु ऐ सपाय गोठमन चो पलटा धरू बिता आय; जसन कि आमीमन पयले ची तुमचो ले बोलु आउर जनाऊन बले रलु।

2 थिस्सलुनीकियो 1:6

कसनबल्लोने माहापुरू चो लगे ऐ नियाय आसे कि जोन तुमके कष्ट देऊ आत, हुनमन के पलटा ने कष्ट देओ

फिलेमोन 1:18

अगर हुन तुचो काई घाटा करलो से, नाहले हुनचो उपरे तुचो काई ऐऊ आय, तो मोचो नाव थाने लिकुन संगाव।

इब्रानियो 2:2

कसनबल्लोने जोन बचन सरग दूतमन चो दुआरा बोला जाऊ रये। जिदलदाय हुन थीर रलो आउर हरकोनी अपराध आउर हुकुम नी मानतोर ठीक-ठीक पलटा मिरली,

1 पतरस 1:17

आउर जसन कि तुमी “हे बुआ” बोलुन भाती हुनचो ले पारथना करू आस, जोन बिना भेद-भाव हरकोनी चो काम चो अनुसार नियाय करू आय, तेबे आपलो परदेशी होतोर समया भय ले गुजारा।

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।