कुलुस्सियो 3:23 - Halbi

²³ जोन काई तुमी करू आस, तनमन ले करा, ऐ समजुन भाती कि मानेमन चो काजे नाई मान्तर परबु चो काजे करेसास;

परमेस्वर को सच्चो वचन ख जाननू

²³ जे कही तुम करह हैं, तन मन से करनु। यू समझ ख कि अदमी हुन को लाने नी पर प्रभु को लाने करते रहनू।

कुलुस्सियो 3:23 ပူးပေါင်းရင်းမြစ်များ

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

रोमियो 14:6

जोन कोनी दिन के मानु आय, हुन परबु चो काजे मानु आय। जोन खाऊ आय, हुन परबु चो काजे खाऊ आय, कसनबल्लोने हुन माहापुरू चो धन्यबाद करू आय, आउर जोन नी खाये, हुन परबु चो काजे नी खाये आउर माहापुरू चो धन्यबाद करू आय।

रोमियो 14:8

अगर आमी जीव आंसु, तो परबु चो काजे जीव आंसु, आउर अगर मरू आंव, तो परबु चो काजे मरू आंव; आउर आमी जीऊ नाहले मरू, आमी परबु चेई आंव।

इफिसीयो 5:22

हे बायलेमन, आपलो-आपलो मनुक चो असन अधीन राहा जसन परबु चो।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:13

परबु चो काजे मानेमन चो ठेबालो बिती हरकोनी जुगाड़करू चो आधीन राहा, राजा चो ऐईकाजे कि हुन सपाय थाने परधान आय,

1 पतरस 2:15

कसनबल्लोने माहापुरू चो इच्छा ऐ आय कि तुमी अच्छा काम करतोर दुवारा निरबुद्धि लोगमन चो अगिआनता चो गोठमन के ढ़ाकुन दिआस।