कुलुस्सियो 3:16 - Halbi

¹⁶ मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

परमेस्वर को सच्चो वचन ख जाननू

¹⁶ मसी को वचन ख अपनो हदय म अधिकाई से बसन दे, अर सिदो ग्यान सहित एक दुसरा ख सिखाओ अर चिताओ, अर अपनो अपनो मन म दया को संग परमेस्वर को लाने भजन अर स्तुति गान अर आत्मा गीत गाओ।

कुलुस्सियो 3:16 ပူးပေါင်းရင်းမြစ်များ

मत्ती 26:30

फेर हुनमन भजन गाऊन भाती जैतून डोंगरी थाने गेला।

लूका 2:51

तेबे हुन हुनमन चो संगे गेलो, आउर नासरत ने ईलो आउर हुनमन चो वश ने रलो; आउर हुनचो आया ऐ सपाय गोठमन आपलो मन ने संगाली।

यूहन्ना 15:7

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

रोमियो 10:17

आउर बिश्वास सुनलो ले आउर सुनतोर मसीह चो बचन ले होऊ आय।

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

1 कुरिन्थियो 14:15

आउर काय करतोर आसे? मय आत्मा ले बले पारथना करें दें, आउर अकल ले बले पारथना करें दें; मय आत्मा ले गायें दें, आउर अकल ले बले गायें दें।

1 कुरिन्थियो 14:26

ऐईकाजे हे भाईमन, काय करतोर आसे? जिदलदाय तुमी रूंड़ा होऊ आस, तेबे हरकोनी चो मन ने भजन नाहले उपदेश नाहले दुसर भाषा नाहले उजर नाहले दुसर भाषा चो अरत सांगतोर रऊ आय। सपाय काई आत्मिक उन्नती चो काजे होतोर आसे।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 5:17

ऐई लागुन बेअकल नी हुआ, मान्तर धिआन ले समजा कि परबु चो इच्छा काय आय।

इफिसीयो 5:19

आउर आपस ने भजन आउर स्तुति गीत आउर आत्मिक गीत गावते राहा, आउर आपलो-आपलो मन ने परबु चो पुरे गावते आउर किरतन करते राहा।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

कुलुस्सियो 1:28

जेचो परचार करून आमी हरकोनी माने के जनाऊन देऊ आंव आउर पुईतराय गिआन ले हरकोनी माने के सिकाऊ आंव, कि आमी हरकोनी माने के मसीह ने सिद्ध करून हाजिर करूं।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 4:6

तुमचो बचन सदा अनुग्रह संगे आउर सुन्दर होओ कि तुमके सपाय माने चो अच्छा रीति ले जबाप देऊक ऐओ।

1 थिस्सलुनीकियो 1:8

कसनबल्लोने तुमचो थानले ना मात्र मकिदुनिया आउर अखाया ने परबु चो बचन सुनाया गेली, मान्तर तुमचो बिश्वास चो जोन माहापुरू उपरे आसे, हर जगा असन चरचा फयलुन गेली से कि आमके बोलतोर जरूरत ची निआय।

1 थिस्सलुनीकियो 4:18

ऐई परकार ऐ गोठमन ले गोटक दुसर के शान्ति दिया करा।

2 थिस्सलुनीकियो 3:15

तेबे बले हुनके बयरी नी समजा, मान्तर भाई जानुन भाती समजाहा।

1तीमुथियुस 6:17

ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

2 तीमुथियुस 3:15

आउर पिलादाय ले पवितर शास्त्र तुचो जानलोर आसे, जोन तुके मसीह थाने बिश्वास करलो ने मुक्ति पावतो काजे अकल बिता बनाऊक सके।

तीतुस 3:6

जेके हुन आमचो मुक्तिकरू ईशु मसीह चो बाटले आमचो उपरे जादा ले जादा रिकालो।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

याकूब 5:13

अगर तुमनमन ने कोनी दुखी आसोत, तो हुन पारथना करो। अगर हरिक आसे, तेबे हुन स्तुति चो भजन गाओ।

1यूहन्ना 2:14

हे बुआमन, मय तुमके ऐईकाजे लिकले से कि जोन मुर ले आसे तुमी हुनके जानुन गेलासास। हे जुआनमन मय तुमके ऐईकाजे लिकले से कि तुमी बलवान हुआ, आउर माहापुरू चो बचन तुमनमन ने बनुन रऊ आय, आउर तुमी हुन दुष्ट थाने जय पावलासास।

1यूहन्ना 2:24

जोन काई तुमी मुर ले सुनलासास, हुनी तुमचो ने बनुन रओ; जोन तुमी मुर ले सुनलासास, अगर हुन तुमचो ने बनुन रओ तेबे तुमी बले बेटा ने आउर बुआ ने बनुन राआ से।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

2 यूहन्ना 1:2

हुन सत जोन आमचो ने थीर रऊ आय, आउर हरमेशा आमचो संगे अटल रये दे;

प्रकाशितवाक्य 14:3

हुनमन सिंघासन चो पुरे आउर चारो परानीमन आउर सियानमन चो पुरे गोटक नवा गीत गावते रवत। हुनमन एक लाख चवालीस हजार जनमन के छांडुन, जोन धरतनी थानले घेना जाऊ रवत, कोनी हुन गीत नी सिकुक सकते रवत।

प्रकाशितवाक्य 15:3

हुनमन माहापुरू चो दास मूसा चो गीत, आउर मेमना चो गीत गाऊन-गाऊन भाती बोलते रवत, “हे सर्वशक्तिमान परबु माहापुरू, तुचो काम माहान आउर भयंकर आय; हे जुग-जुग चो राजा, तुचो चाल ठीक आउर सत आय।”

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,