कुलुस्सियो 3:15 - Halbi

¹⁵ मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।

परमेस्वर को सच्चो वचन ख जाननू

¹⁵ मसी की सान्ति जेको लाने तुम एक सरीर हो ख बुलायो भी गयो हो, तुमरो मन म राज करे; अर तुम धन्यवादी बन्यो रहे।

कुलुस्सियो 3:15 ပူးပေါင်းရင်းမြစ်များ

यूहन्ना 14:27

“मय तुमके शान्ति देऊन जायें सें, आपलो शान्ति तुमके देंयें से; जसन संवसार देऊ आय, मय तुमके नी देंयें: तुमचो मन बाय बिकाल नी होओ आउर नी डरो।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

रोमियो 1:21

ऐई कारन कि माहापुरू के जानलो ने बले हुनमन माहापुरू चो लायक बड़ाई आउर धन्यबाद नी करला, मान्तर फकाहा बिचार करूक मुरयाला, ऐथा ले कि हुनमन चो बेअकल मन अंधार होली।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

1 कुरिन्थियो 10:17

ऐईकाजे कि गोटक ची रोटी आंव तेबे आमी बले जोन खुबे आंसु, गोटक देंह आंव कसनबल्लोने आमी सपाय हुनी गोटक रोटी ने शामिल होऊ आंव।

1 कुरिन्थियो 7:15

मान्तर जोन माने बिश्वास नी संगाये, अगर हुन अलगे होओ तो अलगे होऊक दिआस, असन दसा ने कोनी भाई नाहले भईन गांट ने निआत। माहापुरू आमके मिला-मिसा चो काजे हाग दिलो से।

2 कुरिन्थियो 4:15

कसनबल्लोने सपाय तीजमन तुमचो काजे आय, बल्ले अनुग्रह खुबेमन चो दुवारा खुबे होऊन भाती माहापुरू चो महिमा चो काजे धन्यबाद बले बड़ाओ।

2 कुरिन्थियो 9:11

तुमी सपाय गोठ ने सपाय परकार चो उदारता चो काजे जोन आमचो दुवारा माहापुरू चो धन्यबाद कराऊ आय, सवकार करा जाहा।

इफिसीयो 4:16

जेचो ले पूईतराय देंह, हरकोनी जोड़ान चो सायता ले गोटक संगे मिसुन भाती आउर गोटक संगे गठेयाय होऊन भाती, हुन असर चो अनुसार जोन हरकोनी धड़ चो नुकु-नुकु काम करतोर दुआरा हुन थाने होऊ आय, आपन खुद के बढ़ाऊ आय कि हुन मया ने उन्नती करते जाओं।

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

इफिसीयो 5:1

ऐईकाजे लाड़रा लेकामन चो असन माहापुरू चो ईजीत करा,

इफिसीयो 5:20

आउर सदा सपाय गोठमन चो काजे आमचो परबु ईशु मसीह चो नाव ले माहापुरू बुआ चो धन्यबाद करते राहा।

कुलुस्सियो 1:12

आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

कुलुस्सियो 2:7

आउर हुनी थाने चेर धरते आउर बाड़ते जाहा; आउर तुमी सिकाय गेलास असने ची बिश्वास ने जमखम होते जाहा, आउर खुबे-खुबे धन्यबाद करते राहा।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1 थिस्सलुनीकियो 5:18

सपाय गोठ ने धन्यबाद करा; कसनबल्लोने तुमचो काजे मसीह ईशु ने माहापुरू चो ऐई इच्छा आसे।

1तीमुथियुस 2:1

अदायं मय सपाय ले पयले ऐ गुहार करें से कि गुहार, आउर पारथना, आउर गुहार, आउर धन्यबाद सपाय मानेमन चो काजे कराय जाओ।

1तीमुथियुस 6:12

बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

इब्रानियो 13:15

ऐईकाजे आमी हुनचो दुवारा स्तुति रूपी बलिदान, बल्लोने हुन होटमन चो फल जोन हुनचो नाव चो अंगीकार करू आत, माहापुरू के हरमेशा चेगाया करोत।

प्रकाशितवाक्य 7:12

“आमीन! आमचो माहापुरू चो स्तुति आउर महिमा आउर गिआन आउर धन्यबाद आउर ईजीत आउर सामरत आउर शक्ति जुग-जुग बनुन रओ। आमीन!”