कुलुस्सियो 3:13 - Halbi

¹³ आउर अगर कोकीई कोचीई उपरे दोष देतोर कोनी कारन आसे, तेबे गोटक दुसर चो सहा आउर गोटक दुसर चो अपराध छमा करा; जसन परबु तुमचो अपराध छमा करलो, असने ची तुमी बले करा।

परमेस्वर को सच्चो वचन ख जाननू

¹³ अर अदि कोई ख कोई पर दोस देन को कोई कारन हो, ते एक दुसरा कि सहन कर लेओ अर एक दुसरा ख गलती माप करो; जसो प्रभु न तुमरो अपराध माफ करयो वसो ही तुम भी करो।

कुलुस्सियो 3:13 ပူးပေါင်းရင်းမြစ်များ

मत्ती 5:44

मान्तर ऐबे मय तुमचो ले ऐ बलेंसे कि आपलो बयरीमन ले मया संगावा आउर आपलो कन्दरातो बितामन चो काजे पारथना करा,

मत्ती 6:12

‘आउर जोन परकार आमी आपलो अपराधिमन के छमा करलु से, असने ची तुय बले आमचो अपराधमन के छमा कर।’

मरकुस 11:25

आउर जिदलदाय केबीई तुमी उबा होऊन पारथना करू आस तो अगर तुमचो मन ने कोचीई काजे काई बिरूद आसे, तो छमा करा: ऐईकाजे कि तुमचो सरग चो बुआ बले तुमचो अपराध छमा करो।

लूका 11:4

‘आउर आमचो पापमन के छमा कर, कसनबल्लोने आमी बले आपलो हरकोनी अपराधी के छमा करू आंव, आउर आमके परीक्षा ने नी आन।’”

लूका 23:34

तेबे ईशु बल्लो, “हे बुआ, ऐ मन के छमा कर, कसनबल्लोने ऐ नी जानोत कि काय कर सोत।” आउर हुनमन चिठ्ठीमन डालुन भाती हुनचो फटीई बाटला।

रोमियो 15:7

ऐईकाजे, जसन मसीह माहापुरू चो महिमा चो काजे तुमके गरहन करलो से, असने ची तुमी बले गोटक दुसर के गरहन करा।

2 कुरिन्थियो 2:10

जेचो तुमी काई छमा करू आस हुनके मय बले छमा करू आंय, कसनबल्लोने मय बले जोन काई छमा करले से, अगर करले से, तो तुमचो कारन मसीह चो जगा ने होऊन भाती छमा करलो से।

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

गलातियो 6:2

तुमी गोटक दुसर चो बोजा उठाआ, आउर ऐ परकार मसीह चो नियम के पुरा करा।

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 4:32

गोटक दुसर उपरे किरपालु आउर करूनामय हुआ, आउर जसन माहापुरू मसीह ने तुमचो अपराध छमा करलो, असने ची तुमी बले गोटक दुसर चो अपराध छमा करा।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

याकूब 2:13

कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय।

1 पतरस 2:21

आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।