कुलुस्सियो 3:10 - Halbi

¹⁰ आउर नवा माने के पींदलासास, जोन आपलो बनालो बिता चो रूपरंग चो अनुसार गिआन पावतो काजे नवा बनाते जाऊ आय।

परमेस्वर को सच्चो वचन ख जाननू

¹⁰ अर नऊवतो अदमी ख पहर लियो हैं, जे अपनो सृजनहार को स्वरूप को जसो ग्यान लेन को लाने नऊवतो बनते जावा हैं।

कुलुस्सियो 3:10 ပူးပေါင်းရင်းမြစ်များ

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

रोमियो 6:4

आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

रोमियो 8:29

कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

गलातियो 3:27

आउर तुमनमन ले जितरो लोग मसीह ने डूबन धरला सोत हुनमन मसीह के पींदला सोत।

गलातियो 6:15

कसनबल्लोने ना खतना आउर ना खतना नी करलो काई आत, मान्तर नवा ब्रमांड।

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

इफिसीयो 2:15

आउर आपलो देंह ने बईर बल्लोने हुन नियम जेचो हुकुममन बिदीमन चो रीति थाने रली, मेटाऊन दिलो कि दुनो ले आपलो ने गोटक नवा माने उपजास करून मेल कराऊन देओ,

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

कुलुस्सियो 3:14

ऐ सपाय चो उपरे मया के जोन सिद्ध चो बांदन आय बान्दा।

फिलेमोन 1:6

मय पारथना करूं आंय कि बिश्वास ने तुचो सामिल होतोर, तुमचो सपाय भलाई चो पयचान ने, मसीह चो काजे असरदार होओ।

इब्रानियो 6:6

अगर हुनमन भटकुन जादे तो हुनमन के मन फिरातो काजे फेर नवा बनातोर नी होये; कसनबल्लोने हुनमन माहापुरू चो बेटा के आपलो काजे फेर कुरूस उपरे चेगाऊ आत आउर परकट ने हुनचो उपरे कलंक लगाऊ आत।

1यूहन्ना 2:3

मान्तर आमी हुनचो हुकुममन के मानुन्दे, तेबे ऐचो ले आमी जानु दें कि आमी हुनके जानलु से।

1यूहन्ना 2:5

मान्तर जोन कोनी हुनचो बचन थाने चल दे, हुनचो ने सते माहापुरू चो मया सिद्ध होली से। ऐचीई ले आमी जानु आंव कि आमी हुन थाने आंसु।

प्रकाशितवाक्य 21:5

जोन सिंघासन थाने बसुन रये, हुन बल्लो, “दक, मय सपाय काई नवा करून देऊ आंय।” फेर हुन बल्लो, “लिकुन धर, कसनबल्लोने ऐ बचन बिश्वास चो लायक आउर सत आय।”