कुलुस्सियो 2:15 - Halbi

¹⁵ आउर हुन परधानपन आउर अधिकारमन के आपलो ऊपर ले उतराऊन भाती हुनमन चो खुलम खुला तमाशा बनालो आउर कुरूस चो लागुन हुनमन उपरे जय-जय कार चो कोलार सुनाला।

परमेस्वर को सच्चो वचन ख जाननू

¹⁵ अर ओ न प्रधानता हुन ख अऊर ऊपर से उतार ख उन ख खुल्लमखूल्ला तमासा बनायो अर सूली को व्दारा ओ पर जय जयकार की आवाज सुनाई।

कुलुस्सियो 2:15 ပူးပေါင်းရင်းမြစ်များ

मत्ती 12:29

नाहले कसन कोनी माने कोनी बलबीता चो घर ने ओलुन भाती हुनचो माल जुरूक सके जिदलदाय ले कि पयले हुन-हुन बलबीता के नी बान्दे? तेबे हुन हुनचो घर के जुरे दे।

लूका 10:18

हुन हुनमन ले बल्लो, “मय शयतान के सरग ले बिजली चो असन घसरलोर दकते रये।

लूका 11:22

मान्तर जिदलदाय हुनचो ले बडुन भाती कोनी आउर बलबीता हमला करून हुनके जीतु आय, तेबे हुनचो हुन हत्यार जेचो उपरे हुनचो भरसा रली, झिकुन धरू आय आउर हुनचो धनमाल जुरून भाती बाटुन देऊ आय।

यूहन्ना 16:11

नियाय चो बारे ने ऐईकाजे कि संवसार चो सरदार दोषी ठेबाया गेलो से।”

यूहन्ना 19:30

जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।

1 कुरिन्थियो 15:24

ऐचो पाचे आखरी होये दे। हुन समया हुन पूईतराय बड़पन, आउर सपाय अधिकार, आउर सामरत चो आखरी करून राज के माहापुरू बुआ चो हाथ ने सोपुन देये दे।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

इफिसीयो 3:10

बल्ले अदायं कलीसिया चो दुवारा, माहापुरू चो भिन-भिन परकार चो गिआन हुन परधानमन आउर अधिकारीमन उपरे जोन सरग चो जगामन ने आसोत, परकट कराय जाओ।

इफिसीयो 4:8

ऐईकाजे हुन बले से, “हुन डेंग उपरे चेगलो आउर बन्दीमन के बान्दुन निलो, आउर मानेमन के दान दिला।”

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

कुलुस्सियो 1:16

कसनबल्लोने हुनचेई ने पुईतराय तीजमन चो रचना होली, सरग चो होओ नाहले धरतनी चो, दकलोर नाहले नी दकलोर, काय सिंघासन, काय परभुता मन, काय परधानमन, काय अधिकार, पुईतराय तीजमन हुनचेई बाटले आउर हुनचेई काजे बनाय गेली से।

कुलुस्सियो 2:10

आउर तुमी हुनी थाने भरपूर होलासास जोन सपाय बड़पन आउर अधिकारी चो शिरोमणि आय।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।