कुलुस्सियो 1:29 - Halbi

²⁹ ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

परमेस्वर को सच्चो वचन ख जाननू

²⁹ ऐको लाने मी ओकी वा सक्ति को अनुसार जे मोरो म सामर्थ्य को संग प्रभाव डाला हैं, तन मन लगा ख मेहनत भी करा हैं।

कुलुस्सियो 1:29 ပူးပေါင်းရင်းမြစ်များ

लूका 13:24

“साकुड़ बाट ले ओलतोर कोशिश करा, कसनबल्लोने मय तुमचो ले बलें सें कि खुबे असन ओलतोर मन कर दे, आउर नी करूक सक दे।

रोमियो 15:20

मान्तर मोचो मन चो उदुम ऐ आय कि जहांय-जहांय मसीह चो नाव नी धराय गेली, हुनी थाने नगतखबर सुनायें, असन नी होओ कि दुसर चो पाया थाने घर बनाये।

रोमियो 15:30

हे भाईमन, आमचो परबु ईशु मसीह चो आउर पवितर आत्मा चो मया चो सुरता दियाऊन भाती मय तुमचो ले बिनती करेंसे, कि मोचो काजे माहापुरू ले पारथना करतो ने मोचो संगे मिलुन भाती मतभुल राहा।

1 कुरिन्थियो 12:11

मान्तर ऐ सपाय असरदार काम हुनी गोटक आत्मा करू आय, आउर जोन के जोन चाहाऊं आय हुन बाटुन देऊ आय।

1 कुरिन्थियो 12:6

आउर असरदार काम कईं परकार चो आय, मान्तर माहापुरू गोटक ची आय, जोन सपाय ने हर परकार चो असर पयदा करू आय।

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

2 कुरिन्थियो 11:23

काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

2 कुरिन्थियो 13:3

कसनबल्लोने तुमी तो ऐचो सबुत चाहायसास कि मसीह मोचो थाने बोलु आय, जोन तुमचो काजे कमजोर नुआय मान्तर तुमीमन ने सामरती आय।

2 कुरिन्थियो 5:9

ऐई लागुन आमचो मन चो उदुम ऐ आय कि भले संगे रऊं भले अलग रऊं, मान्तर आमी हुनके भावते रऊं।

2 कुरिन्थियो 6:5

कोड़ा खादलो ले, कयद होलो ले, कोलारमन ले, मसागत ले, चेता रलो ले, उपास करलो ले,

इफिसीयो 1:19

आउर हुनचो सामरत आमचो थाने जोन बिश्वास करू आत, कितलो माहान आय, हुनचो शक्ति चो असर चो हुन काम चो अनुसार

इफिसीयो 3:20

अदायं जोन असन सामरती आय कि आमचो गुहार आउर समज ले कितलो आगर काम करूक सके, हुन सामरत चो अनुसार जोन आमचो ने काम करू आय,

इफिसीयो 3:7

मय माहापुरू चो अनुग्रह चो हुन दान चो अनुसार, जोन हुनचो सामरत चो असर चो अनुसार मोके दिया गेली, हुन नगतखबर चो सेवक बनले।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 1:30

आउर तुमके असने ची मसागत करतोर आय, जसन तुमी मोके करते दकलासास, आउर ऐबे बले सुनु आस कि मय असने ची करूं आंय।

फिलिप्पियो 2:13

कसनबल्लोने माहापुरू ची आय जोन आपलो अच्छा इच्छा संगे तुमचो मन ने इच्छा आउर काम, दुनो गोठमन चो करतोर असर डाललो से।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

कुलुस्सियो 2:1

मय चाहाऊं आंय कि तुमी जानुन राहा कि तुमचो आउर हुनमन काजे जोन लौदीकिया ने आसोत, आउर हुन सपाय चो काजे जोनमन मोचो शारीरिक मुंह नी दकला, मय कसन मसागत करूं आंय,

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

2 थिस्सलुनीकियो 3:8

आउर काचीई रोटी फोकाहा ने नी खादलु; मान्तर मसागत आउर कष्ट ले राती दिना काम धन्धा करते रलु कि तुमचो ने काचीई उपरे बोजा नी होओ।

2 तीमुथियुस 2:10

ऐई लागुन मय चुनलो लोगमन चो काजे सपाय काई सहु आंय कि हुनमन बले हुन मुक्ति के जोन मसीह ईशु ने आसे अमर महिमा चो संगे पाओत।

इब्रानियो 12:4

तुमनमन पाप ले लड़ते-लड़ते हुनचो ले असन लड़ीई नी करलो कि तुमचो लऊ बोहड़ली;

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

प्रकाशितवाक्य 2:3

“तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”