कुलुस्सियो 1:27 - Halbi

²⁷ जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

परमेस्वर को सच्चो वचन ख जाननू

²⁷ जे पर परमेस्वर न प्रगट करन चाहायो कि उन ख ग्यात हुओ की दुसरी जात म भेद की महिमा को मूल्य का हैं, अर उ यू हैं कि मसी जे महिमा की आसा हैं तुम म रह हैं

कुलुस्सियो 1:27 ပူးပေါင်းရင်းမြစ်များ

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

लूका 17:21

आउर लोग ऐ नी बोल दे, ‘दका, ऐथा आसे, नाहले हुता आसे।’ कसनबल्लोने दका, माहापुरू चो राज तुमचो मंजी ने आसे।”

यूहन्ना 14:17

बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

यूहन्ना 14:20

हुन दिने तुमी जाना से कि मय आपलो बुआ ने आंसे, आउर तुमी मोचो ने, आउर मय तुमचो ने।

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 17:26

मय तुचो नाव हुनमन के सांगले आउर सांगते रयें दे कि जोन मया तुके मोचो ले रयें हुन हुनमन ने रओ, आउर मय हुनमन ने रयें दे।”

यूहन्ना 6:56

जोन मोचो मास खाऊ आय आउर मोचो लऊ पिऊ आय हुन मचो ने थीर बनुन रऊ आय, आउर मय हुनचो ने।

रोमियो 11:33

आहा! माहापुरू चो धन आउर अकल आउर गिआन काय ची गंभीर आय! हुनचो बिचार कसन अथाह, आउर हुनचो बाट कसन बड़े भारी आय!

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

रोमियो 5:2

जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू।

रोमियो 8:10

अगर मसीह तुमचो ने आसे, तेबे देंह पाप चो लागुन मरली से; मान्तर आत्मा धरम चो लागुन जीव आसे।

रोमियो 9:23

आउर दया चो भण्डवामन थाने, जोनमन के हुन महिमा चो काजे पयले ले तिआर करलो, आपलो महिमा चो धन के उजागर करतोर इच्छा करलो?

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 4:19

हे मोचो लेकामन, जिदलदाय ले तुमचो ने मसीह चो रूप नी बनुन जाये, हुदलदाय ले मय तुमचो काजे फेर जनमा लो असन दुकामन सहु आंय।

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:22

जोन थाने तुमी बले आत्मा चो दुवारा माहापुरू चो निवास जगा होतो काजे गोटक संगे बनाया जाऊ आस।

फिलिप्पियो 4:19

मचो माहापुरू बले आपलो हुन धन चो अनुसार जोन महिमा संगे मसीह ईशु ने आसे, तुमचो हरकोनी कमी के पुरा करेदे।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

कुलुस्सियो 2:3

जोन थाने बुद्धि आउर गिआन चो पुईतराय भण्डार लुकलोर आसे।

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।

1तीमुथियुस 1:1

पौलुस चो बाटले जोन आमचो मुक्तिकरू माहापुरू आउर आमचो आशा चो आधार मसीह ईशु चो हुकुम ले मसीह ईशु चो पठालोबिता आय,

इब्रानियो 6:19

हुन आशा आमचो परान चो काजे असन लंगर आय जोन थीर आउर मजबूत आय, आउर परदा चो भीतर ले अमरू आय,

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

प्रकाशितवाक्य 3:20

“दक, मय कपाट थाने उबा होऊन ठखठखायसे; अगर कोनी मोचो शब्द सुनुन भाती कपाट उगाढ़ेदे, तेबे मय हुनचो लगे भीतरे ऐऊन भाती हुनचो संगे भोजन करेंदे आउर हुन मोचो संगे।”