कुलुस्सियो 1:12 - Halbi

¹² आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

परमेस्वर को सच्चो वचन ख जाननू

¹² अर परमेस्वर बाप को धन्यवाद करते रहो, जेना हमका यू काबिल बनायो कि ज्योति म सुध्द अदमी हुन को संग की विरासत म सहभागी बनो।

कुलुस्सियो 1:12 ပူးပေါင်းရင်းမြစ်များ

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

यूहन्ना 4:23

मान्तर हुन समया ऐये से, मान्तर ऐबे बले आसे, जोन थाने सते भगत बुआ चो आराधना आत्मा आउर सत ले कर दे, कसनबल्लोने बुआ आपलो काजे असने ची आराधना करूमन के डगरा ये से।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 11:17

मान्तर अगर कितरो खेंदामन टुटाऊन दिआय गेली, आउर तुय रान जैतून होऊन भाती हुनमन थाने साटा गेली, आउर जैतून चो चेर चो फिसलान चो भागी होली सीस,

रोमियो 15:27

हुनमन के अच्छा तो लागली, मान्तर हुनमन-हुनमन चो करजदार बले आत, कसनबल्लोने अगर दुसर जाति हुनमन चो आत्मिक गोठमन ने शामिल होला, तेबे हुनमन के बले जरूरी आय कि देंह चो गोठमन ने हुनमन चो सेवा करोत।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

रोमियो 9:23

आउर दया चो भण्डवामन थाने, जोनमन के हुन महिमा चो काजे पयले ले तिआर करलो, आपलो महिमा चो धन के उजागर करतोर इच्छा करलो?

1 कुरिन्थियो 8:6

तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

1 कुरिन्थियो 9:23

मय ऐ सपाय काई नगतखबर चो काजे करू आंय कि दुसरमन चो संगे हुनमन चो भागी होऊन जायें।

2 कुरिन्थियो 11:14

ऐ काई भक्यातो बिती गोठ नुआय कसनबल्लोने शयतान खुद बले उजर मय सरगदूत चो भेष धारन करू आय।

2 कुरिन्थियो 5:5

जोन आमके ऐई गोठ चो काजे तिआर करलो से हुन माहापुरू आय, जोन आमके बयाना ने आत्मा बले दिलोसे।

इफिसीयो 1:11

हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 2:18

कसनबल्लोने हुनचेई लागुन आमी दुनो चो गोटक आत्मा ने बुआ चो लगे पहुँच होऊ आय।

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

इफिसीयो 4:6

आउर सपाय चो गोटक ची माहापुरू आउर बुआ आय, जोन सपाय चो उपरे आउर सपाय चो मंजी ने आउर सपाय ने आसे।

इफिसीयो 5:11

अंधार चो ओफल काममन ने शामिल नी हुआ, मान्तर हुनमन उपरे सिक्या दिआस।

इफिसीयो 5:20

आउर सदा सपाय गोठमन चो काजे आमचो परबु ईशु मसीह चो नाव ले माहापुरू बुआ चो धन्यबाद करते राहा।

इफिसीयो 5:4

आउर ना निरलजता, ना मुड़ता चो गोठ बात करलो, ना मजाक चो; कसनबल्लोने ऐ गोठ सोभा नी देये, मान्तर धन्यबाद ची सुना जाओं।

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

कुलुस्सियो 3:15

मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 12:23

आउर हुन पयलवातमन चो सादा सभा आउर कलीसिया, जोनमन चो नाव सरग ने लिकलोर आसे, आउर सपाय चो नियाय करू माहापुरू चो लगे, आउर सिद्ध करलो बिती धरमीमन चो आत्मामन,

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

याकूब 3:9

ऐचीई ले आमी परबु आउर बुआ चो स्तुति करू आंव, आउर ऐचीई ले मानेमन के जोन माहापुरू चो रंगरूप ने उपजास होला से सराप देऊ आत।

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

प्रकाशितवाक्य 21:23

हुन नंगर ने बेर आउर जोन चो उजर चो जरूरत निआय, कसनबल्लोने माहापुरू चो तेज ले हुन थाने उजर होये से, आउर मेमना हुनचो दीया आय।

प्रकाशितवाक्य 22:14

“धन्य हुनमन आत, जोन आपलो फटीई धोऊ आत, कसनबल्लोने हुनमन के जीवना चो रूक चो लगे ऐतोर अधिकार मिरे दे, आउर हुनमन कपाटमन ले होऊन भाती नंगर ने ओलदे।”

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।