कुलुस्सियो 1:10 - Halbi

¹⁰ बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

परमेस्वर को सच्चो वचन ख जाननू

¹⁰ ताकि तुमारो चाल चलन प्रभु को काबिल होय, अर उ सब तरीका से खुस होए, अर तुम म हर तरीका को भली बात हुन ख फल लगे, अऊर तुम परमेस्वर की पहचान म बढ़ते जाए,

कुलुस्सियो 1:10 ပူးပေါင်းရင်းမြစ်များ

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 15:8

मोचो बुआ चो महिमा ऐचीई ले होऊ आय कि तुमी खुबे असन फल आना, तेबे ची तुमी मोचो चेला ठेबा से।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

रोमियो 1:13

हे भाईमन, मय नी चाहायें कि तुमी ऐचो ले अनजान राहा कि मय घन-घन तुमचो लगे ऐतोर चाहले, कि जसन मोके दुसर जातिमन ने फल मिरली, असने ची तुमचो ने बले मिरो, मान्तर ऐबले ठेबाया गेले।

रोमियो 4:12

आउर हुन खतना करलो बितामन चो बुआ होओ, जोन ना मात्र खतना कराय होलोर आत, मान्तर आमचो बुआ अब्राहाम चो हुन बिश्वास चो लिकलो थाने बले चलु आत जोन हुन बिना खतना चो हाल ने करू रलो।

रोमियो 6:4

आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

2 कुरिन्थियो 5:9

ऐई लागुन आमचो मन चो उदुम ऐ आय कि भले संगे रऊं भले अलग रऊं, मान्तर आमी हुनके भावते रऊं।

2 कुरिन्थियो 9:8

माहापुरू सपाय परकार चो अनुग्रह तुमके खुबे ले खुबे देऊक सके जेचो ने सपाय गोठ ने आउर हर समया, सपाय काई, जोन तुमके जरूरत आसे, तुमचो लगे रओ; आउर हरकोनी अच्छा काम चो काजे तुमचो लगे खुबे काई होओ।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 4:13

जिदलदाय ले कि आमी सपाय के सपाय बिश्वास आउर माहापुरू चो बेटा चो पयचान ने गोटक नी होऊन जाऊँ, आउर गोटक सिद्ध माने नी बनुन जाऊँ आउर मसीह चो पुरा हाव-भाव लगले नी बडुन जाऊँ।

इफिसीयो 5:10

आउर ऐ परका कि परबु के काय भाऊ आय।

इफिसीयो 5:15

ऐईकाजे धिआन ले दका, कि कसन चाल चलेसास; बेअकलमन चो असन नाई मान्तर अकल बितामन चो असन चला।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

कुलुस्सियो 2:19

आउर हुन शिरोमणि के धरून नी रये, जेचो ले पुईतराय देंह जोड़ानमन आउर जुआनमन चो कारन पालन पोषन पाऊन आउर गोटक संगे बन्दुन भाती, माहापुरू चो बाटले बड़ते जाऊ आय।

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

कुलुस्सियो 3:20

हे पिलामन सपाय गोठमन ने आपलो-आपलो आया-बुआ चो हुकुम चो पालन करा, कसनबल्लोने परबु ऐचो ले हरिक होऊ आय।

कुलुस्सियो 4:5

समया के किमती समजुन भाती बाहार चो लोगमन चो संगे अकल बितामन असन बर्ताव करा।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

2 तीमुथियुस 2:4

जिदलदाय कोनी लड़ीईकरू लड़ीई थाने जाऊ आय, तेबे ऐईकाजे कि आपलो भरती करू बिता के हरिक करो आपन खुद के जगत चो काममन ने नी फसाये।

तीतुस 3:1

लोगमन के सुद्धि दिआव कि बड़े अधिकारीमन आउर अधिकारीमन चो लगे रवत, आउर हुनमन चो हुकुम मानोत, आउर हरकोनी अच्छा काम चो काजे तिआर रवत,

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

इब्रानियो 11:5

बिश्वास ची ले हनोक उठाया गेलो कि मरना के नी दको, आउर हुनचो पता नी मिरली कसनबल्लोने माहापुरू हुनके उठाऊन नेऊ रये, आउर हुनचो उठाया जातोर ले पयले हुनचो ऐ गोहई दिया जाऊ रली कि हुन माहापुरू के हरिक करलो से।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

2 पतरस 1:8

कसनबल्लोने अगर ऐ गोठमन तुमनमन ने ऐबे रओ आउर बड़ते जाओ, तेबे तुमके आमचो परबु ईशु मसीह चो पयचान ने बेकार आउर नीसफल नी होऊक देये दे।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

3 यूहन्ना 1:6

हुनमन कलीसिया चो पुरे तुचो मया चो गोहई दीला सोत। अगर तुय हुनमन के हुन परकार बिदा कर से जोन परकार माहापुरू चो लोगमन काजे ठीक आय तेबे अच्छा कर से।