प्रेरितो 9:31 - Halbi

³¹ ऐई परकार पुईतराय यहूदिया, आउर गलील, आउर सामरिया ने कलीसिया के असतीर मिरली, आउर हुनचो उन्नती होते गेली; आउर हुन परबु चो भय आउर पवितर आत्मा चो शान्ति ने चलते आउर बाड़ते गेलो।

परमेस्वर को सच्चो वचन ख जाननू

³¹ असो तरीका से पुरो यहूदिया, गलील, अर सामरिया कि कलेसिया को उ बखत सान्ति से बितीयो। वहाँ कलेसिया अऊर जादा तेजी से बढ़न लग गी। काहेकि कि वी प्रभु से डर ख अपनो जीवन बितात रहा, अर सुध्द आत्मा न ओखा अऊर जादा उकसायो कय्हो रहा एकोलाने उनकी गिनती बढ़न लग गई।

प्रेरितो 9:31 ပူးပေါင်းရင်းမြစ်များ

प्रेरितो 12:24

मान्तर माहापुरू चो बचन बाड़ते आउर फयलते गेली।

प्रेरितो 16:5

ऐई परकार कलीसियामन बिश्वास ने थीर होते गेला आउर गेनती ने रोजे दिना बाड़ते गेला।

प्रेरितो 2:47

आउर माहापुरू चो स्तुति करते रवत, आउर सपाय लोग हुनमन ले हरिक रवत; आउर जोन मुक्ति पाते रवत, हुनमन के परबु रोजे दिना हुनमन ने मिसान देते रये।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 5:11

पुईतराय कलीसिया थाने आउर ऐ गोठमन चो सपाय सुनतो बितामन चो उपरे बड़े डर बसली।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

प्रेरितो 8:1

शाऊल हुनचो मरना चो संगे सलाह रये। हुनी दिने यरूशलेम चो कलीसिया उपरे बड़े उपद्रव होऊक मुरयाली आउर पठालोबितामन के छांडुन सपाय ले सपाय यहूदिया आउर सामरी देशमन ने जत-खत होऊन गेला।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 14:19

ऐईकाजे आमी हुन गोठमन ने लगुन रऊँ जोनमन ले मिला-मिसा आउर गोटक दुसर चो सुदार होओ।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

1 कुरिन्थियो 14:12

ऐईकाजे तुमी बले जिदलदाय आत्मिक बरमन चो बाय ने आसास, तेबे असन कोशिश करा कि तुमचो बरदानमन चो उन्नती ले कलीसिया चो उन्नती होओ।

1 कुरिन्थियो 14:26

ऐईकाजे हे भाईमन, काय करतोर आसे? जिदलदाय तुमी रूंड़ा होऊ आस, तेबे हरकोनी चो मन ने भजन नाहले उपदेश नाहले दुसर भाषा नाहले उजर नाहले दुसर भाषा चो अरत सांगतोर रऊ आय। सपाय काई आत्मिक उन्नती चो काजे होतोर आसे।

2 कुरिन्थियो 10:8

कसनबल्लोने अगर मय हुन अधिकार चो बारे ने आउर बले घमण्ड दकायें दे, जोन परबु तुमके नशातो काजे नाई मान्तर बनातो काजे आमके दिलो से, तेबे लाज नी होयें।

2 कुरिन्थियो 12:19

तुमी ऐबले समजेसास होती कि आमी तुमचो पुरे जबाप उपरे जबाप देऊँ से। आमी तो माहापुरू के हाजिर जानुन भाती मसीह ने बोलु से, आउर हे लाड़रामन, सपाय गोठमन तुमचो उन्नती चो काजे बोलूं से।

2 कुरिन्थियो 13:10

ऐ कारन मय तुमचो पाट पाटे ऐ गोठमन लिकें से, कि हाजिर होऊन भाती मोके हुन अधिकार चो अनुसार जेके परबु नशातो काजे नाई मान्तर बनातो काजे मोके दिलो से, कड़ाई ले काई करूक नी पड़ो।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

इफिसीयो 4:12

जेचो ले पवितर लोग सिद्ध होऊन जाओत आउर सेवा चो काम कराय जाओ आउर मसीह चो देंह उन्नती पाओ,

इफिसीयो 4:16

जेचो ले पूईतराय देंह, हरकोनी जोड़ान चो सायता ले गोटक संगे मिसुन भाती आउर गोटक संगे गठेयाय होऊन भाती, हुन असर चो अनुसार जोन हरकोनी धड़ चो नुकु-नुकु काम करतोर दुआरा हुन थाने होऊ आय, आपन खुद के बढ़ाऊ आय कि हुन मया ने उन्नती करते जाओं।

इफिसीयो 4:29

काई खराप गोठ तुमचो मुंह ले नी निकरो, मान्तर जरूरत चो अनुसार हुनी निकरो जोन उन्नती चो काजे अच्छा होओ, बल्ले हुनचो ले सुनतो बितामन चो उपरे अनुग्रह होओ।

इफिसीयो 5:21

मसीह चो डर ले गोटक दुसर चो अधीन राआ।

फिलिप्पियो 2:1

आउर अगर मसीह ने खिन्डिक शान्ति, आउर मया ले हिम्मत, आउर आत्मा चो शामिल, आउर खिन्डिक करूना आउर दया आसे,

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

1 थिस्सलुनीकियो 5:11

ऐई कारन गोटक दुसर के शान्ति दिआस आउर गोटक दुसर चो उन्नती चो कारन बना, जसन कि तुमी करू बले आहास।

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

इब्रानियो 4:9

आउर जाना कि माहापुरू चो लोगमन चो काजे सब्त चो विश्राम बाकी आसे;

यहूदा 1:20

मान्तर हे लाडरामन, तुमी आपलो खुबे पवितर बिश्वास ने उन्नती करते-करते आउर पवितर आत्मा ने पारथना करते-करते,