प्रेरितो 8:37 - Halbi

³⁷ फिलिपुस बल्लो, “अगर तुय पुरा मन ले बिश्वास करे सीस तो धरूक सकीस।” हुन जबाप दिलो, “मय बिश्वास करें से कि ईशु मसीह माहापुरू चो बेटा आय।”

परमेस्वर को सच्चो वचन ख जाननू

³⁷ फिलिप्पुस न कहयो “अदि तू पुरो मन से भरोसा करह हैं ते ले सकह हैं।” ओ न उत्तर दियो, “मी भरोसा करु हूँ कि यीसु मसी परमेस्वर को पोरिया हैं।”

प्रेरितो 8:37 ပူးပေါင်းရင်းမြစ်များ

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मरकुस 16:16

जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

यूहन्ना 11:27

हुन हुनचो ले बल्ली, “हव हे परबु, मय बिश्वास करें से कि माहापुरू चो बेटा मसीह जोन जगत ने ऐतो बिता रये, हुन तुय ची आस।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

यूहन्ना 9:35

ईशु सुनलो कि हुनमन हुनके बाहरे निकराऊन दिला, आउर जिदलदाय हुनचो ले भेट होली तेबे बल्लो, “काय तुय माहापुरू चो बेटा उपरे बिश्वास करी सीस?”

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 8:12

मान्तर जिदलदाय हुनमन फिलिप्पुस चो बिश्वास करला जोन माहापुरू चो राज आउर ईशु मसीह चो नाव चो नगतखबर सुनाते रलो तेबे लोग, काय माने, काय बायले लेकी, डूबन धरूक मुरयाला।

प्रेरितो 8:21

ऐ गोठ ने ना तुचो हिस्सा आसे, ना भाग; कसनबल्लोने तुचो मन माहापुरू चो पुरे सीदा निआय।

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 8:38

तेबे हुन रत उबा करतोर हुकुम दिलो, आउर फिलिप्पुस आउर खोजा दुनो पानी ने उतरला, आउर हुन खोजा के डूबन दिलो।

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

रोमियो 10:10

कसनबल्लोने धारमिकता चो काजे मन ले बिश्वास कराय जाऊ आय, आउर मुक्ति चो काजे मुंह ले अंगीकार कराय जाऊ आय।

1 कुरिन्थियो 12:3

ऐईकाजे मय तुमके जनाऊन देये से कि जोन कोनी माहापुरू चो आत्मा चो अगुवाई ले बोलु आय, हुन नी बले कि ईशु शरापित आय; आउर ना कोनी पवितर आत्मा चो बिना बोलुक सके कि ईशु परबु आय।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1यूहन्ना 4:15

जोन कोनी ऐ मानु आय कि ईशु माहापुरू चो बेटा आय, माहापुरू हुनचो थाने बनुन रऊ आय, आउर हुन माहापुरू ने।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:10

जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।