प्रेरितो 7:35 - Halbi

³⁵ “जोन मूसा के हुनमन ऐ बोलुन भाती धुकारून रवत, ‘तुके कोन आमचो उपरे हाकिम आउर नियाय करू ठेबाला से?’ हुनी के माहापुरू हाकिम आउर छंड़ातो बिता ठेबाऊन भाती, हुन सरगदूत चो बाटले जोन हुनके बुटा ने दरशन देउन रये, पठालो।”

परमेस्वर को सच्चो वचन ख जाननू

³⁵ “जो मूसा ख अदमी हुन न असो कहते हुए इंनकार करयो रहा कि कोना तोखा हमारो मुखिया अर न्याय करन वालो ठहरायो हैं?” ओको ही परमेस्वर न झाड़ी म दर्सन देन वालो स्वर्ग दूत को दुवारा हक जतान वालो अर छुड़ान वालो को रूप म उनको जोने भेज्‍यो।

प्रेरितो 7:35 ပူးပေါင်းရင်းမြစ်များ

मरकुस 12:26

मरलो बितामन चो जीव उठतोर बारे ने काय तुमी मूसा चो किताब ने बुटा चो कहनी ने नी पढ़लास कि माहापुरू हुनचो ले बल्लो, ‘मय अब्राहाम चो माहापुरू, आउर इसाक चो माहापुरू, आउर याकूब चो माहापुरू आंय’?

लूका 19:14

मान्तर हुनचो नंगर चो रतो बितामन हुनचो ले बईर संगाते रवत, आउर हुनचो पाटे दूतमन चो बाटले खबर पठाला, आमी नी चाहाऊं कि ऐ आमचो उपरे राज करो।

यूहन्ना 18:40

तेबे हुनमन फेर चिचयाऊन भाती बल्ला, “ऐके नाई मान्तर आमचो काजे बरअब्बा के छांडुन देस।” आउर बरअब्बा डाकु रलो।

यूहन्ना 19:15

मान्तर हुनमन चिचयाला, ‘निआ! निआ! हुनके कुरूस थाने चेगावा!’ पिलातुस हुनमन ले बल्लो, ‘काय मय तुमचो राजा के कुरूस थाने चेगाऊ आय?’ परधान याजकमन जबाप दिला, ‘राजा के छांडुन आमचो आउर कोनी राजा निआत।’”

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 3:22

“जसन कि मूसा बल्लो से, ‘परबु माहापुरू तुमचो भाईमन थानले तुमचो काजे मोचो असन गोटक अगम गिआनी उठाये दे, जोन काई हुन तुमचो ले बले दे, हुनचो सुना।’”

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

प्रेरितो 7:30

“जिदलदाय पुरा चालीस बरक बितली, तेबे गोटक सरगदूत सीनै डोंगरी चो रान ने हुनके जरतो बिती बुटा चो आईग ने दरशन दिलो।”

प्रेरितो 7:51

“हे हठाआ, आउर मन आउर कान चो खतना नी करलो लोगमन, तुमी सदा पवितर आत्मा चो बिरूद करू आस। जसन तुमचो बुआ दादीमन करते रवत, असने ची तुमी बले करेसास।”

कुलुस्सियो 1:15

बेटा तो नी दका देतो माहापुरू चो सवरूप आउर पुईतराय बरमाण्ड ने पयलवात आय।

इब्रानियो 2:2

कसनबल्लोने जोन बचन सरग दूतमन चो दुआरा बोला जाऊ रये। जिदलदाय हुन थीर रलो आउर हरकोनी अपराध आउर हुकुम नी मानतोर ठीक-ठीक पलटा मिरली,

प्रकाशितवाक्य 15:3

हुनमन माहापुरू चो दास मूसा चो गीत, आउर मेमना चो गीत गाऊन-गाऊन भाती बोलते रवत, “हे सर्वशक्तिमान परबु माहापुरू, तुचो काम माहान आउर भयंकर आय; हे जुग-जुग चो राजा, तुचो चाल ठीक आउर सत आय।”