प्रेरितो 6:9 - Halbi

⁹ तेबे हुन आराधना घर थानले जोन लिबिरतीनमन चो बलाया जाते रली, आउर कुरेनी आउर सिकन्दरिया आउर किलिकिया आउर आसिया चो लोगमन थानले कितलो झान उठून भाती स्तिफनुस ले बहस करूक मुरयाला।

परमेस्वर को सच्चो वचन ख जाननू

⁹ पर तथा स्वतरत कियो गयो यहूदी हुन प्रार्थना घर का कुछ इंसान हुन जे कुरेनी अर सिकन्दरिया अर किलिकिया अर आसिया प्रान्थ से आयो यहूदी हतो वी स्तिफनुस को विरोध म वाद विवाद करन लग गया।

प्रेरितो 6:9 ပူးပေါင်းရင်းမြစ်များ

मत्ती 10:17

मान्तर लोगमन ले खबड़दार राहा, कसनबल्लोने हुनमन तुमके माहासभामन ने सोपदे, आउर आपलो पंचायतमन ने तुमके कोड़ा मारदे।

मत्ती 23:34

ऐईकाजे दका, मय तुमचो लगे अगम गिआनीमन आउर अकल बितामन आउर शास्तरीमन के पटायें से; आउर तुमी हुनमन थानले कितरो के मारून पकाआ से आउर कुरूस उपरे चेगाहा से, आउर कितलो के आपलो आराधना घरमन ने कोड़ा मारा से आउर गोटक नंगर ले दुसर नंगर ने खेद ते फिरा से।

मत्ती 27:32

बाहरे जाते-जाते हुनमन के शिमोन नाव चो गोटक कुरेनी माने मिरलो। हुनमन हुनके फकाहा ने धरला कि हुनचो कुरूस उठाऊन धरून जाओ।

मरकुस 13:9

“मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

लूका 21:12

मान्तर ऐ सपाय गोठमन ले पयले हुनमन मोचो नाव चो लागुन तुमके धर दे, आउर कन्दरा दे, आउर आराधना घरमन ने सोप दे, आउर जयलघर ने ढ़पादे, आउर राजामन आउर राजपालमन चो पुरे नेदे।

प्रेरितो 11:20

मान्तर हुनमन थानले कितलो साइप्रस बासी आउर कुरेनी रवत, जोन अन्ताकिया ने ऐऊन भाती यूनानीमन के बले परबु ईशु चो नगतखबर चो गोठमन सुनाऊक मुरयाला।

प्रेरितो 13:1

अन्ताकिया चो कलीसिया ने कितलो अगम गिआनी आउर उपदेशक रवत; जसन बरनबास आउर शिमोन जोन नीगर बलाया जाऊ आय; आउर लुकियुस कुरेनी, आउर चवथा देश चो राजा हेरोदेस चो पोसवा भाई मनाहेम, आउर शाऊल।

प्रेरितो 13:45

मान्तर यहूदी भीड़ के दकुन भाती डाह ले भरला, आउर निन्दा करते-करते पौलुस चो गोठमन चो बिरूद ने बोलुक मुरयाला।

प्रेरितो 15:23

हुनमन-हुनमन चो हाथे ऐ लिकुन पठाला: “अन्ताकिया आउर सीरिया आउर किलिकिया चो रतो बिता भाईमन के जोन दुसर जातिमन थानले आत, पठालोबिता आउर सियान भाईमन चो जुहार।”

प्रेरितो 15:41

आउर हुन कलीसियामन के थीर करते-करते सीरिया आउर किलिकिया ले होते-होते निकरलो।

प्रेरितो 16:6

हुनमन फ्रुगिया आउर गलातिया परदेशमन ले होऊन भाती गेला, कसनबल्लोने पवितर आत्मा हुनमन के आसिया ने बचन सुनातो ले मना करलो।

प्रेरितो 18:24

अपुल्लोस नाव चो गोटक यहूदी, जेचो जनम सिकन्दरिया ने होऊ रली, जोन पण्डित माने रलो आउर पवितर शास्त्र के अच्छा ढंग ले जानते रलो, इफिसुस ने ईलो।

प्रेरितो 19:10

दुय बरक तक असने ची होते रये, ऐथा ले कि आसिया चो रतो बितामन काय यहूदी काय यूनानी सपाय परबु चो बचन सुनला।

प्रेरितो 19:26

तुमी दकु आहास आउर सुनु आहास कि मात्र इफिसुस ची ने नाई, मान्तर लग-भग पुईतराय आसिया ने ऐ बोलुन भाती ऐ पौलुस खुबे असन लोगमन के समजालो आउर भरमालो से बले, कि जोन हाथ चो चाटुबड़ई आत हुनमन ईश्पर नुआत।

प्रेरितो 21:27

जिदलदाय हुन सात दिन पुरा होतो बिती रये, तेबे आसिया चो यहूदीमन पौलुस के मंदिर ने दकुन भाती सपाय लोगमन के हुच हुचाला, आउर असन चिचयाऊन भाती हुनके धरला,

प्रेरितो 21:39

पौलुस बल्लो, “मय तो तरसुस चो यहूदी माने आंय! किलिकिया चो नामचीन नंगर चो रतो बिता आंय। मय तुचो ले बिनती करें से कि मोके लोगमन ले गोठयाऊक देस।”

प्रेरितो 22:19

मय बल्ले, हे परबु, हुनमन तो खुद जानोत कि मय तुचो उपरे बिश्वास करतो बितामन के जयलघर ने ढाकतोर आउर जगा-जगा आराधना घर ने पेटाते रयें।

प्रेरितो 22:3

“मय तो यहूदी माने आंय, जोन किलिकिया चो तरसुस ने जनम ले; मान्तर ऐ नंगर ने गमलीएल चो पाँयमन चो लगे बसुन भाती पड़ाया गेले, आउर बुआ दादीमन चो नियम चो ठीक रीति थाने सिकाया गेले; आउर माहापुरू चो काजे असन बाय लगाऊन रले, जसन तुमी सपाय आजी लगालासास।”

प्रेरितो 23:34

हुन चिठ्ठी पढुन भाती पचारलो, “ऐ कोन परगन चो आय?”

प्रेरितो 24:18

हुनमन मोके मंदिर ने, शुद्ध दशा ने, बिना भीड़ चो संगे, आउर बिना कोलार करते-करते भेट चेगाते पावला हव, आसिया चो कईं यहूदी रवत हुनमन के नगत रली

प्रेरितो 26:11

हर आराधना घर ने मय हुनमन के तकलीस देऊन-देऊन भाती ईशु चो निन्दा कराते रयें, ऐथा ले कि रिस चो मारून असन बया होऊन गेले कि बाहार चो नंगरमन ने बले जाऊन भाती हुनमन के कन्दराते रले।

प्रेरितो 6:10

मान्तर हुन गिआन आउर हुन आत्मा चो जेचो ले हुन गोठयाते रलो, हुनमन सामना नी करूक सकला।

1 कुरिन्थियो 1:20

काहां रलो गिआन बिता? काहां रलो शास्तरी? काहां रलो ऐ संवसार चो झगड़ाहा? काय माहापुरू संवसार चो गिआन के मुरूकता नी ठेबालो?

गलातियो 1:21

ऐचो पाचे मय सीरिया आउर किलिकिया चो परगनमन ने ईले।