प्रेरितो 6:14 - Halbi

¹⁴ कसनबल्लोने आमीमन हुनके ऐ बोलतोर सुनलु से कि ऐई “ईशु नासरी ऐ जगा के उजराऊन देये दे, आउर हुन रीतिमन के बदलुन देये दे जोन मूसा आमके सोपलो से।”

परमेस्वर को सच्चो वचन ख जाननू

¹⁴ काहेकि हम न ओ ख यू कहत सुनो हैं कि उही यीसु नासरी इ मन्दिर खा तहस नहस कर देगो, अर हमरी रीति रिवाज हुन ख बदल देहे जे मूसा न दियो हैं।”

प्रेरितो 6:14 ပူးပေါင်းရင်းမြစ်များ

मत्ती 26:61

आउर बल्ला, “ऐ बल्लो से कि मय माहापुरू चो मंदिर के घसराऊक सकें आउर हुनके तीन दिन ने बनाऊक सकें।”

मरकुस 14:58

“आमी ऐके ऐ बलते सुनलु से, ‘मय ऐ हाथ चो बनालोर मंदिर के घसराऊन देयेंदे, आउर तीन दिन ने दुसर बनायेंदें, जोन हाथ ले नी बनली से।’”

लूका 21:24

हुनमन खंडा ले मर दे, आउर सपाय देशमन चो लोगमन ने बन्दी होऊन भाती अमराया जादे; आउर जिदलदाय ले दुसर जातिमन चो समय पुरा नी होये, हुदलदाय ले यरूशलेम दुसर जातिमन ले रोमदा जाये दे।

लूका 21:6

“हुन दिन ऐये दे, जोन थाने ऐ सपाय जोन तुमी दकसास, हुनमन थानले ऐथा कोनी पकना उपरे पकना बले नी बाचे जोन घसराया नी जाये।”

यूहन्ना 2:19

ईशु हुनमन के जबाप दिलो, “ऐ मंदिर के घसराऊन दिआस, आउर मय ऐके तीन दिन ने उबा करून देयें दें।”

यूहन्ना 4:21

ईशु हुनचो ले बल्लो, “हे नारी, मचो गोठ चो बिश्वास कर कि हुन समया ऐये से कि तुमी ना तो ऐ डोंगरी थाने बुआ चो आराधना करा से, ना यरूशलेम ने।

प्रेरितो 15:1

फेर कितलो लोग यहूदिया ले ऐऊन भाती भाईमन के सिकाऊक मुरयाला: “अगर मूसा चो रीति थाने तुमचो खतना नी होये तो तुमी मुक्ति नी पावऊक सकास।”

प्रेरितो 21:21

हुनमन के तुचो बारे ने सिकाया गेली से कि तुय दुसर जातिमन ने रतो बिता यहूदीमन के मूसा ले फेरून जातो काजे सिकाय सीस, आउर बोलु आस, कि ना आपलो पिलामन चो खतना करावा आउर ना रीतिमन थाने चला।

प्रेरितो 25:8

मान्तर पौलुस जबाप दिलो, “मय ना तो यहूदीमन चो नियम चो आउर ना मंदिर चो, आउर ना राजा चो बिरूद कोनी गलती करले से।”

प्रेरितो 26:3

खास करून ऐईकाजे कि तुय यहूदीमन चो सपाय रीति बिदीमन आउर झगड़ामन के जानीस। आउर मय बिनती करें से, धीरज ले मोचो सुन।

प्रेरितो 28:17

तीन दिन चो पाचे हुन यहूदीमन चो मुखिया लोगमन के हाग दिलो, आउर जिदलदाय हुनमन रूंड़ा होला तेबे हुनमन ले बल्लो, हे भाईमन, मय आपलो लोगमन चो नाहले बुआ दादीमन चो बेवहारमन चो बिरूद ने काई बले नी करले, तेबले बले बन्दी बनाऊन भाती यरूशलेम ले रोमिमन चो हाथे सोपा गेले।

गलातियो 3:19

तेबे फेर नियम केंव दिया गेली? हुन तो अपराध चो कारन पाचे दिया गेली कि हुन बंश चो ऐ ओत ले रओ, जोन के बायदा दिया जाऊ रये; आउर हुन सरग दूतमन चो बाटले गोटक मंजार चो हाथ ठेबाया गेली।

गलातियो 3:23

मान्तर बिश्वास चो ऐतोर ले पयले नियम चो अधीन ने आमचो राका होते रली, आउर हुन बिश्वास चो ऐ ओत ले जोन परकट होतो बिती रये, आमी हुनचो गांट ने रलु।