प्रेरितो 5:42 - Halbi

⁴² हुनमन रोजे दिना मंदिर ने आउर घर-घर ने उपदेश करतोर, आउर ऐ गोठ चो नगतखबर सुनातो ले कि ईशु ची मसीह आय।

परमेस्वर को सच्चो वचन ख जाननू

⁴² फिर मन्दिर अर घर-घर म लगातार हर रोज यू सुसमाचार को यीसु मसी हैं उपदेस देनो अर सिक्छा देनो उन न कभी नी छोडियो।

प्रेरितो 5:42 ပူးပေါင်းရင်းမြစ်များ

लूका 21:37

हुन दिन दाय मंदिर ने उपदेश करते रये, आउर राती दाय बाहरे जाऊन भाती जैतून नाव चो डोंगरी उपरे रते रये;

लूका 22:53

जिदलदाय मय मंदिर ने रोजे दिना तुमचो संगे रले, तेबे तुमी मोचो उपरे हाथ नी लगालास; मान्तर ऐ तुमचो समया आय, आउर अंधार चो अधिकार आसे।”

प्रेरितो 11:20

मान्तर हुनमन थानले कितलो साइप्रस बासी आउर कुरेनी रवत, जोन अन्ताकिया ने ऐऊन भाती यूनानीमन के बले परबु ईशु चो नगतखबर चो गोठमन सुनाऊक मुरयाला।

प्रेरितो 13:32

आमी तुमके हुन बायदा चो बारे ने जोन बुआ दादीमन ले करा जाऊ रली, ऐ नगतखबर सुनाऊ से,

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 17:3

आउर हुनमन चो मतलब खोलुन-खोलुन समजाते रलो कि मसीह के दुख उठातोर, आउर मरलो बितामन थानले जीव उठतोर, जरूरी रये; आउर “ऐई ईशु जेचो मय तुमके कथा सुनाय से, मसीह आय।”

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 20:20

आउर जोन-जोन गोठमन तुमचो फायदा चो रली, हुनमन के सांगतोर आउर लोगमन चो पुरे आउर घर-घर सिकातोर ने केबे नी झिझक ले

प्रेरितो 4:20

“कसनबल्लोने ऐ तो आमचो ले होऊक नी सके कि जोन आमी दकलु आउर सुनलु, हुन नी बोलु।”

प्रेरितो 4:29

अदायं हे परबु, हुनमन चो धमकीमन के दक; आउर आपलो दासमन के ऐ बरदान देस कि तुचो बचन बड़े हिम्मत ले सुनाऊ।

प्रेरितो 8:35

तेबे फिलिप्पुस आपलो मुंह खोललो, आउर ऐई पवितर शास्त्र ले मुरयाऊन हुनके ईशु चो नगतखबर सुनालो।

प्रेरितो 8:5

आउर फिलिप्पुस सामरिया नंगर ने जाऊन भाती लोगमन ने मसीह चो परचार करूक मुरयालो।

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

1 कुरिन्थियो 2:2

कसनबल्लोने मय ऐ ठानुन रये कि तुमचो मंजी ईशु मसीह मान्तर कुरूस थाने चेगालोर मसीह के छांडुन आउर कोनी गोठ के नी जाने।

गलातियो 1:16

जिदलदाय मन होली कि मोचो थाने आपलो बेटा के परकट करो कि मय दुसर जातिमन ने हुनचो नगतखबर सुनायें दे, तेबे ना मय मास आउर लऊ ले सलाह धरले,

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।