प्रेरितो 5:31 - Halbi

³¹ हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

परमेस्वर को सच्चो वचन ख जाननू

³¹ ओखा ही परमेस्वर न अगुवा प्रभु अर उध्दार करन वालो ठहराय ख, अपने जेवनो हात पर ऊँचो कर दियो, कि उ इस्राएली हुन का मन फिरान की मोखा देवह हैं अर पाप की माफी को लाने मऊका दे।

प्रेरितो 5:31 ပူးပေါင်းရင်းမြစ်များ

मत्ती 1:21

हुन बेटा जनमायदे आउर तुय हुनचो नाव ईशु संगाव, कसनबल्लोने हुन आपलो लोगमन चो हुनमन चो पापमन ले मुक्ति करेदे।”

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मरकुस 2:10

मान्तर जेचो ले तुमी जाना कि माने चो बेटा के धरतनी थाने पाप छमा करतोर बले हक आसे।” हुन हुन लकवा चो रोगी ले बल्लो,

मरकुस 4:12

ऐईकाजे कि “हुनमन दकते-दकते दकोत आउर हुनमन के दका नी देओ आउर सुनते-सुनते सुनोत बले आउर नी समजोत; असन नी होओ कि हुनमन फिरोत, आउर छमा कराय जाओत।”

लूका 2:11

कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 4:42

आउर हुन बायले लेकी के बल्ला, “अदायं आमी तुचो बोलतोर ची ले बिश्वास नी करू; कसनबल्लोने आमी खुदे ची सुनलु, आउर जानु से कि ऐई सते जगत चो मुक्ति करू आय।”

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 13:23

ऐचीई कुल थानले माहापुरू आपलो बायदा चो अनुसार इस्राएल चो लगे गोटक मुक्तिकरू, बल्लोने ईशु के पठालो।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

प्रेरितो 4:11

ऐ हुनी पकना आय जेके तुमी राजमिस्त्रीमन तुच्छ जानलास आउर हुन कोनया चो मुंडी चो पकना होऊन गेलो।

2 कुरिन्थियो 2:10

जेचो तुमी काई छमा करू आस हुनके मय बले छमा करू आंय, कसनबल्लोने मय बले जोन काई छमा करले से, अगर करले से, तो तुमचो कारन मसीह चो जगा ने होऊन भाती छमा करलो से।

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

कुलुस्सियो 1:14

जोन थाने आमके छुटकारा बल्लोने पापमन चो छमा परापत होऊ आय।

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

तीतुस 2:10

चोरी चलाकी नी करोत, मान्तर सपाय परकार ले पुरा बिश्वासी निकरोत कि हुनमन सपाय गोठमन ने आमचो मुक्तिकरू माहापुरू चो उपदेश चो शोभा बड़ा ओत।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 2:10

कसनबल्लोने जेचो काजे सपाय काई आसे आउर जेचो दुवारा सपाय काई आसे, हुनके ऐई अच्छा लागली कि जिदलदाय हुन खुबे असन बेटामन के महिमा ने अमराओ, तेबे हुनमन चो मुक्ति चो करता के दुक उठातोर लागुन सिद्ध करो।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।

2 पतरस 2:20

जिदलदाय हुनमन परबु आउर मुक्तिकरू ईशु मसीह चो पयचान चो दुवारा संवसार चो नाना परकार चो अशुद्धता ले बाचुन निकरला, आउर फेर हुन थाने फसुन भाती हारला, तेबे हुनमन चो पाचे चो दशा पयले ले बले खराप होऊन गेली से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

यहूदा 1:25

हुनी गोटक मात्र माहापुरू आमचो मुक्तिकरू चो महिमा आउर मान-समान आउर बल आउर अधिकार, आमचो परबु ईशु मसीह चो दुवारा जसन पिढ़ी-पिढ़ी ले आसे, ऐबे बले होओ आउर जुग-जुग रओ। आमीन।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,