प्रेरितो 4:29 - Halbi

²⁹ अदायं हे परबु, हुनमन चो धमकीमन के दक; आउर आपलो दासमन के ऐ बरदान देस कि तुचो बचन बड़े हिम्मत ले सुनाऊ।

परमेस्वर को सच्चो वचन ख जाननू

²⁹ अब “हे प्रभु ओकी धमकी हुन का देख; अपना दास हुन ख यू असो कर क दे कि वरदान तोरो वचन हियाव से सुनेगो।

प्रेरितो 4:29 ပူးပေါင်းရင်းမြစ်များ

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 14:3

हुनमन खुबे दिन ले हुता रला, आउर परबु चो भरसा थाने हिम्मत ले गोठमन करते रवत; आउर हुन हुनमन चो हाथ ले चिना आउर भयंकर काम कराऊन भाती आपलो अनुग्रह चो बचन थाने गोहई देते रलो।

प्रेरितो 19:8

हुन आराधना घर ने जाऊन भाती तीन मयना तक डर नाहलोर होऊन भाती बोलते रलो, आउर माहापुरू चो राज चो बारे ने गोठ बात करते आउर समजाते रलो।

प्रेरितो 26:26

राजा बले जेचो पुरे मय निडर होऊन भाती बलें सें, ऐ गोठमन जाने; आउर मोके बिश्वास आसे कि ऐ गोठमन ले कोनी हुनचो ले लुकलोर निआय, कसनबल्लोने ऐ घटना कोनी कोना ने नी होली।

प्रेरितो 28:31

आउर जोन हुनचो लगे ऐते रवत, हुन सपाय ले मिलते रलो आउर बिना रोक-टोक खुबे निडर होऊन भाती माहापुरू चो राज चो परचार करते आउर परबु ईशु मसीह चो गोठमन सिकाते रलो।

प्रेरितो 4:13

जिदलदाय हुनमन पतरस आउर यूहन्ना चो साहास दकला, आउर ऐ जानला कि ऐ अपढ़ आउर सादा माने आत, तेबे भक्याला; फेर हुनमन के चिताला, कि ऐ ईशु चो संगे रला सोत।

प्रेरितो 4:21

तेबे हुनमन-हुनमन के आउर धमकाऊन भाती छांडुन दिला, कसनबल्लोने लोगमन चो कारन हुनमन के डण्ड देतोर कोनी दाँव नी मिरली, ऐईकाजे कि जोन घटना होऊ रली हुनचो कारन सपाय लोग माहापुरू चो बड़ाई करते रवत।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

प्रेरितो 9:27

मान्तर बरनबास हुनके आपलो संगे पठालोबितामन चो लगे नेऊन भाती हुनमन के सांगलो कि ऐ कसन रीति ले बाट ने परबु के दकलो, आउर हुन ऐचो ले गोठयालो; फेर दमिश्क ने ऐ कसन हिम्मत ले ईशु चो नाव ले परचार करलो।

प्रेरितो 9:28

हुन हुनमन चो संगे यरूशलेम ने ऐते जाते रलो

1 कुरिन्थियो 14:13

ऐई लागुन जोन दुसर भाषा बोलो, हुन पारथना करो कि हुनचो उचारन बले करूक सको।

2 कुरिन्थियो 3:12

ऐईकाजे असन आशा संगाऊन भाती आमी हिम्मत चो संगे बोलु आंव,

फिलिप्पियो 1:14

आउर परबु ने जोन भाई आत, हुनमन थानले खुबे मोचो कयद होतोर कारन, हिम्मत बान्दुन भाती माहापुरू चो बचन बेधड़क सुनातोर आउर बले साआस करू आत।

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।