प्रेरितो 3:19 - Halbi

¹⁹ ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

परमेस्वर को सच्चो वचन ख जाननू

¹⁹ ऐको लाने मन फिराओ अर परमेस्वर कि ओर लोउट आओ ताकि तुम्हारो पाप ख माप कियो जाहे,

प्रेरितो 3:19 ပူးပေါင်းရင်းမြစ်များ

मत्ती 13:15

“कसनबल्लोने ऐ लोगमन चो मन ठोसर होऊन गेली से, आउर हुनमन कानमन ले ऊँचा सुनु आत आउर हुनमन आपलो आँईकमन के लिमटला से; काहांय असन नी होओ कि हुनमन आँईकमन ले दकोत, आउर कानमन ले सुनोत आउर मन ले समजोत, आउर फिरून जाओत आउर मय हुनमन के चेंगा करें।”

मत्ती 18:3

आउर बल्लो, “मय तुमचो ले सते बलें सें कि जिदलदाय ले तुमी नी फिरास आउर लेकामन चो असन नी बनास, तुमी सरग चो राज ने ओलुक नी सका से।

लूका 1:16

आउर इस्राएलीमन थानले खुबे असन के हुन परबु माहापुरू चो बाटे फिरायदे।

लूका 22:57

मान्तर हुन ऐ बोलुन भाती इन्कार करलो, “हे बायले लेकी, मय हुनके नी जाने।”

प्रेरितो 1:6

आउर हुनमन रूंड़ा होऊन भाती हुनचो ले पचारला, “हे परबु, काय तुय ऐई समया इस्राएल चो राज फेरून दे से?”

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 11:21

परबु चो हाथ हुनमन उपरे रली, आउर खुबे लोग बिश्वास करून परबु चो बाटे फिरला।

प्रेरितो 15:3

आउर कलीसिया हुनमन के कितलो दूर ले पोंचाला; आउर हुनमन फिनिके आउर सामरिया ले होते-होते दुसर जातिमन चो मन फिरातोर खबर सुनाते गेला, आउर सपाय भाई खुबे हरिक होला।

प्रेरितो 17:26

हुन गोटक ची मुर ले मानेमन चो सपाय जातिमन पुईतराय धरतनी थाने रतो काजे बनालो से; आउर हुनमन चो थेबालो बिती समया आउर डेरा चो संदीमन के ऐईकाजे बान्दलो से,

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 28:27

कसनबल्लोने ऐ लोगमन चो मन ठोसर आउर हुनमन चो कान भारी होऊन गेली से, आउर हुनमन आपलो आँईकमन लिमटला से, असन नी होओ कि हुनमन केबीई आँईकमन ले दकोत आउर कानमन ले सुनोत आउर मन ले समजोत आउर फिरोत, आउर मय हुनमन के चेंगा करें।’”

प्रेरितो 3:20

आउर हुन ईशु के पटाओ जोन तुमचो काजे पईल ले ची मसीह ठेबाया गेलो से।

प्रेरितो 3:21

जरूरी आय कि हुन सरग ने हुन समया ले रओ जिदलदाय ले कि हुन सपाय गोठमन चो सुधार नी करो जेचो चरचा पीढ़ीमन चो दिन ले माहापुरू आपलो पवितर अगम गिआनीमन चो मुंह ले करलो से।

रोमियो 11:25

हे भाईमन, काहांय असन नी होओ कि तुमी आपन खुद के अकल बिता समजा; ऐईकाजे मय नी चाहायें कि तुमी ऐ भेद ले अनजान राहा कि जिदलदाय ले दुसर जातिमन पुईतराय रीति ले नी ओलोत, हुदलदाय ले इस्राएल चो गोटक भाग असने ची कठोर रये दे।

2 थिस्सलुनीकियो 1:10

ऐ हुन दिने होये दे, जिदलदाय हुन आपलो पवितर लोगमन ने महिमा पावतो आउर सपाय बिश्वास करतो बितामन ने अकचकित चो कारन होऊक लाय ऐये दे; कसनबल्लोने तुमीमन आमचो गोहई थाने बिश्वास करलास।

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

इब्रानियो 4:1

ऐईकाजे जिदलदाय कि हुनचो विश्राम ने ओलतोर बायदा ऐबले आसे, तो आमके डरतोर जरूरी आय असन नी होओ कि तुमनमन ले कोनी जन लापी रऊन जाओत।

1 पतरस 2:25

कसनबल्लोने तुमी पयले भुलकलो बिती मेंडामन चो असन रलास, मान्तर अदायं आपलो परानमन चो राका करू आउर अध्यक्ष चो लगे फिरून ईलासास।

2 पतरस 3:8

हे लाड़रामन, ऐ गोठ तुमचो ले लुकुन नी रओ कि परबु चो थाने गोटक दिन हजार बरक चो बराबर आय, आउर हजार बरक गोटक दिन चो बराबर आय।

प्रकाशितवाक्य 21:4

“हुन हुनमन चो आँईकमन ले सपाय आँसु पुछुन देये दे; आउर ऐचो पाचे मरना नी रये दे, आउर ना शोक, ना बिलाप, ना दुखा रये दे; पयले चो गोठमन जाते रली।”