प्रेरितो 3:16 - Halbi

¹⁶ आउर हुनचेई नाव ने, हुन बिश्वास चो बाटले जोन हुनचो नाव थाने आसे, ऐ माने के जेके तुमी दकसास आउर जानास बले सामरत दिलो से। हुनी बिश्वास जोन हुनचो बाटले आय, ऐके तुमी सपाय चो पुरे बिलकुल अच्छा चेंगा करून दिलो से।

परमेस्वर को सच्चो वचन ख जाननू

¹⁶ काहेकि हम यीसु को नाम म विस्वास करह हैं ऐको लाने ओको ही नाम ही जो लगड़ो व्यक्ति म सक्ती दी हैं जेको पाय म तुम देखह रहया हैं ओ म जान दी हैं। उही विस्वास न जे यीसु से प्राप्त होवह हैं तोसे सब को सामे यू व्यक्ति ख पुरी तरह चंगो कियो हैं।

प्रेरितो 3:16 ပူးပေါင်းရင်းမြစ်များ

मत्ती 14:29

ईशु बल्लो, “आव!” तेबे पतरस ड़ोंगा थानले उतरून भाती ईशु चो लगे जातो काजे पानी थाने हिन्डुक मुरयालो।

मत्ती 9:22

ईशु उलटुन भाती हुनके दकलो आउर बल्लो, “बेटी हिम्मत बांद; तुचो बिश्वास तुके चेंगा करली से।” आउर हुन बायले लेकी हुनी समया चेंगा होली।

यूहन्ना 14:12

“मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

यूहन्ना 7:23

जिदलदाय सब्त चो दिने माने चो खतना कराया जाऊ आय बल्ले मूसा चो नियम चो हुकुम टलुन नी जाओ, तेबे तुमी मोचो उपरे केंव ऐईकाजे रीस करू आहास कि मय सब्त चो दिन गोटक माने के पुरा रीति ले चेंगा करले।

प्रेरितो 14:9

हुन पौलुस के गोठयाते सुनते रलो। पौलुस हुनचो बाटे नंजरगड़ान दकलो कि हुनके चेंगा होऊन जातोर बिश्वास आसे,

प्रेरितो 16:18

हुन खुबे दिन ले असने ची करते रली; मान्तर पौलुस नराज होलो, आउर पलटून भाती हुन आत्मा के बल्लो, “मय तुके ईशु मसीह चो नाव ले हुकुम देयें से कि हुन थानले निकरून जा।” आउर हुन हुदली ची दाय निकरून गेली।

प्रेरितो 3:6

तेबे पतरस बल्लो, “चाँदी आउर सोना तो मचो लगे आसे नाई, मान्तर जोन मोचो लगे आसे हुन तुके देये से; ईशु मसीह नासरी चो नाव ले हिन्ड़ बुल।”

प्रेरितो 3:8

हुन उदलुन भाती उबा होलो आउर हिन्ड़ा बुला होऊक मुरयालो; आउर हिन्ड़ते, आउर डगाते, आउर माहापुरू चो स्तुति करते-करते हुनमन चो संगे मंदिर ने गेलो।

प्रेरितो 4:10

तेबे तुमी सपाय आउर पुईतराय इस्राएली लोग जानुन राआ कि ईशु मसीह नासरी चो नाव ले जेके तुमी कुरूस उपरे चेगालास आउर माहापुरू मरलो बितामन थानले जिआ लो, ऐ माने तुमचो पुरे अच्छा चेंगा उबा आसे।

प्रेरितो 4:30

“चेंगा करतो काजे तुय आपलो हाथ बड़ाव कि चिना आउर भयंकर काम तुचो पवितर सेवक ईशु चो नाव ले करा जाओ।”

प्रेरितो 4:7

आउर पतरस आउर यूहन्ना के मंजी ने उबा करून पचारूक मुरयाला कि तुमनमन ऐ काम कोन सामरत ले आउर कोन नाव ले करलासास।

रोमियो 3:22

बल्लोने माहापुरू चो हुन धारमिकता जोन ईशु मसीह उपरे बिश्वास करलो ने सपाय बिश्वास करतो बितामन चो काजे आय। कसनबल्लोने काई भेद नियाय;

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।