प्रेरितो 3:13 - Halbi

¹³ अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

परमेस्वर को सच्चो वचन ख जाननू

¹³ अब्राहम अर इसहाक अर याकूब क परमेस्वर, हमार बापदादा हुन का परमेस्वर न अपन सेवक यीसु मसी की दिव्य बडी महिमा दिया हैं, पर तुम न अधिकारी हुन ख सोप दियो अर पिलातुस को सामे ओको इंकार कियो अर जब कि पिलातुस ने छोडन देवन को न्याय करयो रह।

प्रेरितो 3:13 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 20:19

आउर हुनके दुसर जातिमन चो हाथे सोप दे कि हुनमन हुनके मजाक उड़ा ओत, आउर कोड़ा मारोत, आउर कुरूस उपरे चेगा ओत, आउर हुन तीसर दिने जीवऊन जायेदे।”

मत्ती 22:32

‘मय अब्राहाम चो माहापुरू, आउर इसाक चो माहापुरू, आउर याकूब चो माहापुरू आंय’? हुन मरलोमन चो नाई, मान्तर जीवतामन चो माहापुरू आय।”

मत्ती 27:2

हुनमन हुनके बान्दला आउर नेऊन भाती पिलातुस मुखिया चो हाथ ने सोपला।

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मरकुस 15:11

मान्तर परधान याजकमन लोगमन के उच-उचाला कि हुन बरअब्बा के हुनमन चो काजे छांडुन देओ।

लूका 22:57

मान्तर हुन ऐ बोलुन भाती इन्कार करलो, “हे बायले लेकी, मय हुनके नी जाने।”

लूका 23:4

तेबे पिलातुस परधान याजकमन आउर लोगमन ले बल्लो, “मय ऐ माने ने काई दोष नी पाये।”

लूका 6:37

“दोष नी लगाआ, तेबे तुमचो उपरे बले दोष नी लगा दे। दोषी नी ठेबाआ, तेबे तुमी बले दोषी नी ठेबा से। छमा करा, तेबे तुमके बले छमा कर दे।

यूहन्ना 12:16

हुनचो चेला ये गोठमन पयले नी समजुन रवत, मान्तर जिदलदाय ईशु चो महिमा परकट होली तेबे हुनमन के सुरता ईली कि ये गोठमन हुनचो बारे ने लिकलोर रली आउर लोगमन हुनके येई परकार चो बेवहार करू रवत।

यूहन्ना 18:40

तेबे हुनमन फेर चिचयाऊन भाती बल्ला, “ऐके नाई मान्तर आमचो काजे बरअब्बा के छांडुन देस।” आउर बरअब्बा डाकु रलो।

यूहन्ना 19:11

ईशु जबाप दिलो, “अगर तुके उपर ले नी दिया जाति, तो तुचो मोचो उपरे काई अधिकार नी होती; ऐईकाजे जोन मोके तुचो हाथे धरालो से हुनचो पाप जुगे आय।”

यूहन्ना 19:12

ऐ थाने पिलातुस हुनके छांडुन देतोर चाहा लो, मान्तर यहूदीमन चिचयाऊन-चिचयाऊन भाती बल्ला, “‘अगर तुय ऐके छांडुन दे से, तो तुचो भक्ति राजा चो बाटे निआय। जोन कोनी आपन खुद के राजा बनाऊ आय हुन राजा चो सामना करू आय।’

यूहन्ना 19:15

मान्तर हुनमन चिचयाला, ‘निआ! निआ! हुनके कुरूस थाने चेगावा!’ पिलातुस हुनमन ले बल्लो, ‘काय मय तुमचो राजा के कुरूस थाने चेगाऊ आय?’ परधान याजकमन जबाप दिला, ‘राजा के छांडुन आमचो आउर कोनी राजा निआत।’”

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

प्रेरितो 22:14

तेबे हुन बल्लो, आमचो बुआ दादीमन चो माहापुरू तुके ऐईकाजे ठेबालो से कि तुय हुनचो इच्छा के जान, आउर हुन धरमी के दक आउर हुनचो मुंह ले गोठमन सुन।

प्रेरितो 24:14

मान्तर मय तुचो पुरे ऐ माने से कि जोन बाट के हुनमन कुपन्थ बोले सोत, हुनचेई रीति थाने मय आपलो बुआ दादीमन चो माहापुरू चो सेवा करूं आंय; आउर जोन गोठमन नियम आउर अगम गिआनीमन चो किताब ने लिकलोर आसे, हुन सपाय थाने बिश्वास करूं आंय।

प्रेरितो 3:12

ऐ दकुन भाती पतरस लोगमन ले बल्लो, “हे इस्राएलीमन, तुमी ऐ माने उपरे केंव भक्यायसास, आउर आमचो बाटे केंव ऐ परकार दकेसास कि माना आमी ची आपलो सामरत नाहले भक्ति ले ऐके हिन्ड़तोर बुलतोर लायक बनान दिलु।”

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

प्रेरितो 4:27

कसनबल्लोने सत-सत तुचो सेवक ईशु चो बिरूद ने, जेचो तुय अभिषेक करलीस, हेरोदेस आउर पुन्तियुस पिलातुस बले दुसर जातिमन आउर इस्राएलीमन चो संगे ऐ नंगर ने रूंड़ा होला,

प्रेरितो 4:30

“चेंगा करतो काजे तुय आपलो हाथ बड़ाव कि चिना आउर भयंकर काम तुचो पवितर सेवक ईशु चो नाव ले करा जाओ।”

प्रेरितो 7:32

“मय तुचो बुआ दादीमन, अब्राहाम, इसाक आउर याकूब चो माहापुरू आंय।” तेबे मूसा थरथरुन गेलो, ऐथा ले कि हुनके दकतोर हिम्मत नी रली।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

इब्रानियो 2:9

मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,