प्रेरितो 28:20 - Halbi

²⁰ ऐईकाजे मय तुमके हाग दिले से कि तुमचो ले मिलें दें आउर गोठ बात करें दें; कसनबल्लोने इस्राएल चो आशा काजे मय ऐ सिकरा ले बान्दलोर आंसे।

परमेस्वर को सच्चो वचन ख जाननू

²⁰ एको लाने मी न तुम ख बुलायो हैं कि तुम से मिलू अर बातचीत करू; काहेकि इस्राएल की आसा को लाने मी या साँकल से बाँधी गयो हैं।”

प्रेरितो 28:20 ပူးပေါင်းရင်းမြစ်များ

प्रेरितो 10:29

ऐईकाजे मय जिदलदाय हाग दिआय गेले तो बिना काई बोललोर ऐते ईले। अदायं मय पचारें सें कि मोके काय काम काजे हाग दिया गेली?

प्रेरितो 10:33

तेबे मय तुरते तुचो लगे लोग पठाले, आउर तुय अच्छा करलीस जोन ईलीस। अदायं आमी सपाय ऐथा माहापुरू चो पुरे आंसु, बल्ले जोन काई माहापुरू तुचो ले बल्लो से हुनके सुनु।

प्रेरितो 21:33

तेबे पलटन चो सरदार लगे ऐऊन भाती हुनके धरलो; आउर दुय सिकरामन ले बान्दतोर हुकुम देऊन भाती पचारूक मुरयालो, “ऐ कोन आय आउर ऐ काय करलो से?”

प्रेरितो 23:6

तेबे पौलुस ऐ जानुन भाती कि गोटक दल सदूकीमन आउर दुसर फरीसीमन चो आय, सभा ने हाग देऊन भाती बल्लो, “हे भाईमन, मय फरीसी आउर फरीसीमन चो बंश चो आंय, मरलो लोगमन चो आशा आउर जीव उठतोर बारे ने मोचो पेशी होये से।”

प्रेरितो 24:15

आउर माहापुरू ले आशा संगाऊ आंय जोन हुनमन खुद बले संगाऊ आत, कि धरमी आउर अधरमी दुनो चो जीव उठतोर होये दे।

प्रेरितो 26:29

पौलुस बल्लो, “माहापुरू ले मोचो पारथना आय कि काय खिन्डिक ने काय खुबे ने, मात्र तुय ची नाई मान्तर जितरो लोग आजी मोचो सुनु आत, ऐ बान्दनमन के छांडुन हुनमन मोचो समान होऊन जाओत।”

प्रेरितो 28:17

तीन दिन चो पाचे हुन यहूदीमन चो मुखिया लोगमन के हाग दिलो, आउर जिदलदाय हुनमन रूंड़ा होला तेबे हुनमन ले बल्लो, हे भाईमन, मय आपलो लोगमन चो नाहले बुआ दादीमन चो बेवहारमन चो बिरूद ने काई बले नी करले, तेबले बले बन्दी बनाऊन भाती यरूशलेम ले रोमिमन चो हाथे सोपा गेले।

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 6:20

जेचो काजे मय सिकरा ले बान्दलो बिती राजदूत आंय; आउर ऐ बले कि मय हुनचो बारे ने जसन मोके जरूरत आसे साआस ले बलेंदें।

फिलिप्पियो 1:13

ऐथा ले कि राजा चो राज महल चो पुईतराय पलटन आउर बाकी सपाय लोगमन ने ऐ परकट होऊन गेली से कि मय मसीह चो काजे बन्दी आसे;

कुलुस्सियो 4:18

मय पौलुस चो आपलो हाथ ले लिकलोर जुहार। मचो सिकरामन के सुरता संगाहा। तुमचो उपरे अनुग्रह होते रओ। आमीन।

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

फिलेमोन 1:10

मय आपलो पिला उनेसिमुस चो काजे, जोन मोचो ले मोचो कयद ने जनमलो से, तुके गुहार करेंसे।

फिलेमोन 1:13

हुनके मय आपलो ची लगे संगातोर मन करते रले कि हुन तुचो बाटले ऐ कयद ने जोन नगतखबर चो लागुन आय, मोचो सेवा करो।