प्रेरितो 26:20 - Halbi

²⁰ मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

परमेस्वर को सच्चो वचन ख जाननू

²⁰ पर पहलो दमिस्क ख, फिर यरूसलेम ख, अर तब यहूदिया को सारो देस ख रहन वाला ख अर दुसरी जात हुन का समझत रय्हा, कि मन फिराओ अर परमेस्वर को तरफ फिर ख मन मन फिराव के योग्य को काम करा।

प्रेरितो 26:20 ပူးပေါင်းရင်းမြစ်များ

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 3:8

मन फिरातोर लायक चो फल आना;

मत्ती 4:17

हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

मत्ती 9:13

ऐईकाजे तुमी जाऊन भाती ऐचो अरत सिका, ‘मय बलिदान नाई मान्तर दया मन करूं आय।’ कसनबल्लोने मय धरमीमन के नाई, मान्तर पापीमन के हाग देऊक ईलेसे।”

मरकुस 6:12

तेबे हुनमन जाऊन भाती परचार करला कि मन फिरावा,

लूका 1:16

आउर इस्राएलीमन थानले खुबे असन के हुन परबु माहापुरू चो बाटे फिरायदे।

लूका 13:3

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।

लूका 13:5

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।”

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 15:7

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने बले सरग ने ईतली ची हरिक होये दे, जितरो कि निन्यानबे असन धरमीमन चो बारे नी होये, जोनमन के मन फिरातोर जरूरत निआय।

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 15:19

ऐईकाजे मोचो बिचार ऐ आय कि दुसर जातिमन ले जोन लोग माहापुरू चो बाटे फिरू आत, आमी हुनमन के दुक नी देऊ;

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 26:17

आउर मय तुके तुचो लोगमन ले आउर दुसर जातिमन ले बचाते रयें दे, जोनमन लगे मय अदायं तुके ऐईकाजे पटायें से

प्रेरितो 26:19

आउर हे राजा अग्रिप्पा, मय हुन सरग चो दरशन चो गोठ नी टालले,

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

प्रेरितो 9:35

तेबे लुद्दा आउर शारोन चो सपाय रतो बितामन हुनके दकुन भाती परबु चो बाटे फिरला।

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

2 कुरिन्थियो 3:16

मान्तर जिदलदाय केबीई हुनमन चो मन परबु चो बाटे फिरे दे, तेबे हुन परदा उठून जाय दे।

2 कुरिन्थियो 7:10

कसनबल्लोने माहापुरू-भक्त चो दुक असन पश्तावा पयदा करू आय जेचो फल मुक्ति आय आउर फेर हुनचो ले पश्ताऊक नी पढ़े। मान्तर संवसार चो दुक मरना पयदा करू आय।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

प्रकाशितवाक्य 16:11

आउर आपलो दुकामन आउर पोकामन चो लागुन सरग चो माहापुरू चो निन्दा करला; मान्तर आपलो-आपलो काममन ले मन नी फिराला।

प्रकाशितवाक्य 2:21

“मय हुनके मन फिरातो काजे मवका दिले, मान्तर हुन आपलो बेबीचार ले मन फिराऊक नी चाहाये।”

प्रकाशितवाक्य 2:5

“ऐईकाजे सुरता कर कि तुय काहां ले घसरली सीस, आउर मन फिराव आउर पयले चो असन काम कर; अगर तुय मन नी फिरासे, तो मय तुचो लगे ऐऊन भाती तुचो पटेरा के हुनचो जगा ले गुचाऊन देयेंदे।”

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”